ޓީވީ އެކްޓަރު ވިބޫ ރާގަވްގެ ބައްޕަ މަރުވިތާ އަހަރެއްވެސް ނުވެ އުޅެނިކޮށް އަނެއްކާވެސް ބޮޑު ހިތާމައަކާ ކުރިމަތިވެއްޖެއެވެ.
"ސާވްދާން އިންޑިއާ" އާއި "ނިޝާ އޯރް އުސްކޭ ކަޒިންސް" އިން ފެނިގެން ދިޔަ ތަރި ވިބޫ ބުނެފައިވާ ގޮތުގައި އޭނާ މިހާރު އަންނަނީ ކެންސަރަށް ފަރުވާ ހޯދަމުންނެވެ. މި ހިތާމަވެރި ޚަބަރު ސޯޝަލް މީޑިއާ މެދުވެރިކޮށް ހިއްސާ ކުރަމުން ވިބޫ ބުނެފައިވަނީ ކެންސަރު ޖެހުނުކަން އެނގުނު އިރު އޭނާ ހުރީ އެންމެ ފަހު ސްޓޭޖްގައި ކަމަށެވެ.
ނަމަވެސް އޭނާގެ ހުވަފެންތައް ކުލަކުރެވޭތޯ ބަލާނެ ކަމަށް ވިބޫ ވަނީ ބުނެފައެވެ. އޭނާއަށް ޖެހިފައި ވަނީ ނިއުރޯއެންޑްކްރައިން ކެންސަރެވެ. އެއީ ހަށިގަނޑުގައި ހޯމޯންސް އުފައްދާ ސެލްތަކަށް ޖެހޭ ކެންސަރެކެވެ. މިއީ ވަރަށް މަދުން ފެންނަ ވައްތަރެއްގެ ބައްޔެއް ކަމަށް ވެސް ބުނެފައިވެއެވެ.
View this post on Instagram
ވީބޫ ބުނެފައިވަނީ އޭނާއަށް ރަހުމަތްތެރިންގެ ފަރާތުން ވަރަށް ސަޕޯޓް ލިބޭ ކަމަށެވެ. ހޮސްޕިޓަލަށް ގެންދިއުމާއި ބޭސް ނެގުން ފަދަ ކަންކަމުގައި ވަރަށް އެހީ ވާކަމަށްވެސް ބުނެފައިވެއެވެ.
View this post on Instagram
އަދި ބަލިޖެމުން ވަރަށް ދެރަވެއްޖެ ކަމަށާއި އޭނާގެ މަންމަގެ ހިތް ކުދިކުދި ވެފައި ވާކަމަށްވެސް ބުނެފައިވެއެވެ. ބަލި އެއްކޮށް ރަނަގަޅު ވާނެ ކަމަށް ބުނި ޑޮކްޓަރަކާ ދިމާ ނުވާކަމަށާއި ބައްޔާއިއެކު އުޅެން ދަސްކުރަން ޑޮކްޓަރުން ބުނެފައި ވާކަމަށް ވިބޫ ވަނި ބުނެފައެވެ.
