ކެންސަރު ބައްޔަށް ފަރުވާ ހޯދަމުން ދަނިކޮށް މިދިއަ އަހަރުގެ އެޕްރިލް މަހުގެ 30 ވަނަ ދުވަހު މަރުވި ބޮލީވުޑް ލެޖެންޑް ރިޝީ ކަޕޫރުގެ އެންމެ ފަހު ފިލްމު މިމަހުގެ އެންމެ ފަހު ދުވަހު ރިލީޒްކުރަން ނިންމައިފިއެވެ.
ރިޝީ މަރުވުގެ ކުރިން ދިޔައީ ފިލްްމް "ޝަރުމާޖީ ނަމްކީން" ގެ މަސްކަތް ކުރަމުންނެވެ. އެއީ ފަރްހާން އަޚްތަރާއި ރިތޭޝް އެކްސެލް އެންޓަޓެއިންމަންޓުން އުފައްދަމުންދިޔަ ފިލްމެކެވެ.
މިދިއަ އަހަރު ރިޝީގެ އުފަންދުވަހާ ދިމާކޮށް މި ފިލްމުގެ ފަސްޓް ލުކް ރިޝީ އާއި އެކުގައިވަނީ ދައްކާލައިފައެވެ. މި ފިލްމުގެ ޝޫޓިންގ ނުނިމި އުޅެނިކޮށް ރިޝީ މަރުވުމުން ބާކީ އޮތް ބައި އޭނާގެ ބަދަލުގައި ކުޅެފައިވަނީ ޕަރޭޝް ރާވަލްއެވެ.
މި ފިލްމަކީ ސާދާ މިޒާޖެއްގެވެރި 60 އަހަރުގެ ދުވަސްވީ މީހަކަށް ދިމާވާ ހާދިސާތަކެއްގެ މައްޗަށް ބިނާކޮށް ހަދާފައިވާ ފިލްމެކެވެ.
View this post on Instagram
ޑައިރެކްޓަރ ހިތޭޝް ބާޓިއާ ޑައިރެކްޓް ކޮށްފައިވާ މި ފިލްމު ރިލީޒް ކުރުމަށް ތާވަލް ކޮށްފައިވަނީ މިމަހުގެ 31 ވަނަ ދުވަހު އެމެޒޮން ޕްރައިމް ވީޑިއޯއިންނެވެ.
1900ގެ ފަހުކޮޅުގެ އަހަރުތަކުގައި ސިނަމާގައި އެންމެ މަގުބޫލު އެއް ތަރި ރިޝީ އާންމުންގެ މެދުގައި މަގުބޫލު ވެގެން ދިއައީ 1973 ވަނަ އަހަރުގެ "ބޮބީ" އިންނެވެ.
