ޑައިރެކްޓަރު ސަންޖޭ ލީލާ ބަންސާލީގެ "ގަންގޫބާއި ކަތިއަވަޅީ" އަންނަ މަހުގެ ފަހުކޮޅު ނެޓްފްލިކްސްއިން ބެލޭނެ ކަން އިއުލާން ކޮށްފިއެވެ.
މިދިއަ މަހުގެ 25 ގައި ރިލީޒް ކުރި މި ފިލްމަށް އަންނީ ބޮޑޫ ތަރުހީބެއް ލިބެމުންނެވެ. އަދި މި ފިލްމުގެ ތަރިންގެ އެކްޓިންގ އަށާއި ޑައިރެކްޓަރ ސަންޖޭގެ މަސައްކަތަށް އަންނަނީ ތައުރީފު އޮހެމުންނެވެ.
މީގެކުރިން ނެޓްފްލިކްސްއިން ވަނީ އެ މީހުންނަށް ލިބޭ ފިލްމުތައް ސިނަމާތަކުގައި ދަކަންފަށާތާ މަހެއް ފަހުން ސްޓްރީމްކުރަން ފަށާފައެވެ.
މިފިލްމުގެ ލީޑުން ގަންގޫބާއިގެ ގޮތުގައި ފެނިގެން ދަނީ އާލިއާ ބަޓެވެ. މި ފިލްމު އެޅުވި ދުވަހު އިންޑިއާއިން އެކަނިވެސް 10.50 ކްރޯޑް ރުޕީސް ލިބުނެވެ. އަދި ޖެހިގެން އައި ދުވަހު 13.3 ކްރޯޑް ރުޕީސް ލިބުނުއިރު އޭގެ އަނެއް ދުވަހު އެ ފިލްމަށް 15.30 ކްރޯޑް ލިބިފައިވެއެވެ. މި ފިލްމުގެ ފައިދާ މިހާރުވަނީ 100 ކްރޯޑް ރުޕީސްއާ ގާތްކޮށްފައެވެ.
މި ފިލްމަކީ ހުސައިން ޒައިދީ ލިޔެފައިވާ "މާފިޔާ ކުއީންސް އޮފް މުމްބާއީ" ގައި ހިމެނޭ ހަގީގީ ހާދިސާއެއްގެ މައްޗަށް ބިނާކޮށް އުފައްދާފައިވާ ފިލްމެކެވެ. އިންޑިއާގައި އުޅުނު ހަށިވިއްކާ އަންހެނެއް، ގޭންގްސްޓާރެއްގެ ދަރަޖައަށްގޮސް ގިނަބަޔަކު އިހްތިރާމުކުރާ މީހަކަށް ވެގެންދާގޮތް މި ފިލްމުގައި ވަނީ ދައްކުވައިދީފައެވެ.
