މަޝްހޫރު ރިއަލިޓީ ޝޯތައް ކަމަށްވާ، "އެމްޓީވީ ސްޕްލިޓްސްވިލާ" އާއި "އޭސް އޮފް ސްޕޭސް" އަދި "ބިގްބޮސް އޯޓީޓީ" އިން ވެސް ފެނުނު ދިވްޔާ އަގަރްވާލް، އޭނާ 4 އަހަރު ވަންދެން ލޯބީގެ ގޮތުން ގުޅިގެން އުޅުން ވަރުން ސޫދްއާ ރުޅިވެފައިވާކަން އިއުލާން ކޮށްފިއެވެ.
ރުޅިވީ ސަބަބެއް ހާމަނުކޮށް 29 އަހަރުގެ ދިވްޔާ ބުނީ އެ ދެމީހުންގެ ގުޅުން ނިމުމަކަށް ގެނެސްފައި ވާކަމަށެވެ. އަދި މިއީ އެހާ ފަސޭހާ ނިންމުމެއް ނޫން ކަމަށާއި، ހުރީ ވަރަށް ދެރަވެފައި ކަމަށް ދިވްޔާ ވަނީ ބުނެފައެވެ. މި ގުޅުމުގައި ސިއްކަ ޖެހުނީ ކީއްވެކަން ނޭގުނަސް ދިވްޔާ ބުނެފައިވަނީ އޭނާ ތަހަންމަލް ކުރަމުންދާ ހިތްދަތިކަމުގެ ޒިންމާ އެއްވެސް މީހެއްގެ ބޮލުގައި އަޅުވަން ބޭނުން ނުވާކަމަށެވެ.
މީގެއިތުރަށް އޭނާ ބުނެފައިވަނީ ރުޅިވާން ނިންމީ އަމިއްލައަށް ކަމަށާއި ވަރުން އަކީ ރަނގަޅު މީހެއް ކަމަށެވެ. އަދި އެދެމީހުން ރައްޓެހި ރަހުމަތްތެރިންގެ ގޮތުގައި ދާއިމަށް ތިބޭނެ ކަމަށްވެސް ބުނެފައިވެއެވެ.
View this post on Instagram
2018 ވަނަ އަހަރު މިދެތަރިން ލޯބީގެ ގޮތުން ގުޅުނު ފަހުން، ވަރަށް އަވަހަށް ކައިވެނި ކުރާނެ ކަމަށްވެސް އޭރުވަނީ ބުނެފައެވެ.
