ބޮލީވުޑްގެ ބައެއް ފިލްމު ތަކުން ފެނިގެން ގޮސްފައިވާ ލަވަކިއުންތެރިއާ އަދިތިޔާ ނާރާޔަން ޝޯ ހޯސްޓް ކުރުމުން އަލްވަދާއު ކިޔައިފިއެވެ.
އަދިތިޔާއަކީ ލަވަ ކިއުންތެރިއެއްގެ އިތުރުން ބައެއް ފިލްމު ތަކުން ފެނިގެން ގޮސްފައިވާ ތަރިއެކެވެ. ނަމަވެސް އެކްޓިން ކެރިއަރުގައި އޭނާއަށް މާބޮޑު ކާމިޔާބެއް ކުރިއެރުން ތަކެއް ލިބިގެން ގޮސްފައެއް ނުވެއެވެ. ހަމަ އެހެންމެ ލަވަ ކިޔުމުގެ ދާއިރާއިން ވެސް މިހާތަނަށް އޭނާ އަށް މާ ބޮޑު ކާމިޔާބެއް ހާސިލް ކުރެވިފައެއް ނުވެއެވެ.
ނަމަވެސް ޝޯ ހޯސްޓެއްގެ ގޮތުގައި އަދިތިޔާ ވަނީ ސަޕޯޓަރުންގެ ހިތް އަތުލާފައެވެ. އޭނާ ޝޯވ ހުށައަލައިދޭ ގޮތް ގިނަ ބަޔަކަަށް ވަރަށް ކަމުދެއެވެ.
ސޯޝަލް މީޑިއާ މެދުވެރިކޮށް އޭނާ ވަނީ ޝޯ ހޯސްޓް ކުރުމާއި ދުރަށް ދާކަން އިއުލާން ކޮށްފައިއެވެ.
View this post on Instagram
"އަހަރެން ޝޯވ ހޯސްޓް ކުރުމާއި އަލްވަދާއު ކިޔާކަން މި އިއުލާން ކުރަނީ ވަރަށް ދެރަވެގެން ހުރެ. 'ސާރޭގާމާޕާ' އަކީ އަހަރެން އުމުރުން 18 އަހަރުން ފެށިގެން ހޯސްޓް ކުރަމުން އައި ޝޯ އެއް. މިހާތަނަށް ހޯދުނު ހުރިހާ ކާމިޔާބެއްގެ އަސްލަކީ އެ ޝޯ. ފާއިތުވީ 15 އަހަރު ތެރޭ ނުވަ ސީޒަނެއްގައި 350 އެޕިސޯޑު އަހަރެން ހޯސްޓް ކުރިން. އަށާރަ އަހަރުގެ ޒުވާން ފިރިހެން ކުއްޖަކުން ބޮޑު މީހަކަށްވެ އަތްނބަކާއި ތުއްތު އަންހެންދަރިއެއްގެ ބައްޕައަކަށްވީ މި ޝޯ ހޯސްޓް ކުރުމުގައި ހޭދަކުރި މުއްދަތުގައި،" ޝޯޝަލް މީޑީއާގައި އޭނާ ކުރި ޕޯސްޓެއް ގައި ލިޔެފައިވެއެވެ.
މީގެ ކުރިން ވާހަކަދައްކަމުން އަދިތިޔާ ވަނީ އޭނާ އަމިއްލަ މިއުޒިކް ލޭބަލެއް އުފައްދަން ބޭނުން ވާކަމަށް ބުނެފައެވެ.
އަދިތިޔާ އަކީ ކުރީގެ މަޝްހޫރު ލަވަކިއުންތެރިއާ އުދިތު ނާރާޔަންގެ ހުރި ހަމަ އެކަނި ދަރިފުޅެއެވެ.
