ރާއްޖޭގައި ޗުއްޓީ ހޭދަކުރުމަށްފަހު ފުރަން ވެލާނާ އިންޓަނޭޝަނަލް އެއާޕޯޓަށް ދިޔަ އިޒްރޭލުގެ ފަތުރުވެރިއެއްގެ ދަބަހުން ވަޒަން ފެނިއްޖެއެެވެ.
މިދިޔަ ބުދަ ދުވަހުގެ ރޭ އެއާޕޯޓުން ހައްޔަރުކޮށްފައިވަނީ އުމުރުން 28 އަހަރުގެ އިޒްރޭލުގެ ފިރިހެނެކެވެ. އޭނާ ރާއްޖެ އައީ އަންހެނުންނާ އެކު ޗުއްޓީ އަށެވެ. ވީއައިއޭގައި ހަރަކާތްތެރިވާ އޭވިއޭޝަން ސެކިއުރިޓީ ކޮމާންޑްގެ އޮފިސަރުން ފަތުރުވެރިޔާގެ ދަބަސް ޗެކް ކުރިއިރު އެ ދެ ބަހުން 15 ވަޒަން ފެނިފައިވާ ކަމަށް އެނގިފައިވެއެވެ.
ފުލުހުންގެ މީޑިއާ އޮފިޝަލް ވިދާޅުވީ، އެއާޕޯޓަށް ފުރަންދިޔަ ފަތުރުވެރިއެއްގެ އަތުން ވަޒަންތަކެއް ފެނިފައިވާ ކަމަށް މާރިޗް ދެ ވަނަ ދުވަހު ފުލުހުންނަށް ރިޕޯޓްކޮށްފައިވާ ކަަމަށެވެ.
އޮފިޝަލް ވިދާޅުވިގޮތުގައި، އެކަމާއި ގުޅިގެން ބަލަން ޖެހޭ ކަންކަން ބެލުމަށްފަހު މާރިޗް ތިން ވަނަ ދުވަހު އޭނާ ފުރަން ހުއްދަ ދީފައިވާ ކަމަށެވެ. ރާއްޖެއަށް ޗުއްޓީ ހޭދަކުރަން އަންނަ ފަތުރުވެރިންގެ އަތުން މީގެކުރިންވެސް ވަޒަން ފެނިފައިވެއެވެ.
