ބޮލީވުޑްގެ ސުޕަރސްޓާ ސަލްމާން ޚާނާއި އެކްޓްރެސް ޕޫޖާ ހޭގްޅޭގެ އެކުގައި ފެނިގެންދާނެ ފުރަތަމަ ފިލްމު ރިލިޒް ކުރާ ތާރީހް އިއުލާން ކޮށްފިއެވެ.
"ކަބީ އީދު ކަބީ ދިވާލީ"ގެ ނަންދީފައިވާ މި ފިލްމަކީ ކޮމެޑީ ފިލްމެކެވެ. ސަލްމާނާއީ ޕޫޖާގެ އިތުރުން މި ފިލްމުން އެކްޓަރ ވެންކަޓޭޝް އަދި ސަލްމާންގެ ޅިޔަނު އާޔޫޝް ޝަރްމާ އާއި ކްރިތީ ސެނޮން އަދި ދެކުނު އިންޑިއާގެ ގިނަ ތަރިންތަކެއް ފެނިގެންދާނެކަމަށް ޚަބަރުތައް ބުނެއެވެ.
މިއީ ސަލްމާނާއި އަޔޫޝް ފެނިގެން ދާނެ ދެވަނަ ފިލްމެވެ. މީގެ ކުރިން ދެޅިޔަނުން ވަނީ "އަންތިމް: ދަ ފައިނަލް ޓްރޫތު" އިން ފެނިގެން ގޮސްފައެވެ.
ސާޖިދު ނަޑިއާޑްވާލާގެ ފިލްމު ކުންފުނި ނަޑިއާޑްވާލާ ގްރޭންޑްސަންގެ ސޯޝަލް މީޑީއާ ޕްލެޓްފޯމް ތަކުގައި ބުނެފައިވާ ގޮތުގައި "ކަބީ އީދު ކަބީ ދިވާލީ" ރިލީޒްކުރާނީ އާ އަހަރާ ދިމާކޮށް މިއަހަރުގެ ޑިސެމްބަރު 30 ގައި ކަމަށެވެ.
Celebrate #KabhiEidKabhiDiwali on New Year with @BeingSalmanKhan & #SajidNadiadwala directed by @farhad_samji ????
Releasing in cinemas on 30th December 2022. @WardaNadiadwala pic.twitter.com/fLWBzr2nIR
— Nadiadwala Grandson (@NGEMovies) March 3, 2022
ފިލްމަށް ތާރީހެއް ކަނޑައެޅި ނަމަވެސް ފިލްމުގެ ޝޫޓިންގ އަދި މިހާތަނަށް ނުފަށައެވެ. މި ފިލްމު ޑައިރެކްޓްކުރަނީ ފަރުހާދު ސަމްޖީއެވެ.
