2021 ގެ ޑިސެމްބަރު މަހުގެ 9 ވަނަ ދުވަހު ކެޓްރީނާ ކައިފް އާއި ވިކީ ކޯޝަލް ކައިވެނި ކުރިފަހުން ބޮލީވުޑަށް ވަނީ ކައިވެނީގެ މޫސެއް އައިސްފައެވެ.
އަހަރުގެ ދެމަސް ދުވަސް ނިމުނުއިރު މިހާރުވެސް ބޮލީވުޑުން ހައެއްކަ ކައިވެނި ކޮށްފިއެވެ. ކަން މިހެން އޮތްއިރު ދާދިފަހުން ސަލްމާން ޚާނާއި ސޮނާކްޝީ ސިންހާގެ ކައިވެނީގެ ފޮޓޯތަކެއް ވަނީ އާންމުވެފައެވެ.
ބޮލީވުޑްގެ ޚަބަރުތައް ގެނެސްދޭ ބައެއް ވަސީލަތްތަކުން، މިދެތަރިން ވަރަށް ސިއްރުން ކައިވެނި ކޮށްފައިވާކަމަށް ވަނީ ޚަބަރު ފަތުރާފައެވެ. އަދި މި ދަތަރިންގެ ކައިވެނި ފޮޓޯތަކެއް ވަނީ ސޯޝަލް މީޑިއާގައި ވައިރަލް ވެފައެވެ. ނަމަވެސް މިއީ އެއްވެސް ހަގީގަތެއް ނެތް، ފޮޓޯޝޮޕް ކޮށްފައިވާ ފޮޓޯތަކެއްކަން މިހާރު ވަނީ ކަށަވަރު ވެފައެވެ.
ސޮނާކްޝީއަށް ބޮލީވުޑުން ފުރަތަމަ ފުރުސަތު ހޯދައި ދިނީ ސަލްމާނެވެ. އަދި "ދަބަންގް" އިން މި ދެތަރިން އެކުގައި ވަނީ ފެނިގެން ގޮސްފައެވެ. އަދި އެދެމީހުން ކެމިސްޓްރީއަށް ވަނީ ގިނަބައެއްގެ ތައުރީފް ލިބިފައެވެ.
އޭގެ ފަހުން ވެސް ސަލްމާން ކުޅުނު "ދަބަންގް" ސީރީޒްގެ ފިލްމުތަކުގައި ސޮނާކްޝީ ވަނީ ފެނިގެން ގޮސްފައެވެ. އަދި ސަލްމާންގެ "ދަބަންގް" ކޮންސެޓް، އެކި ގައުމުތަކުގައި ބާއްވަމުންދާއިރު ކޮންމެ ދަތުރެއްގައި ވެސް ސޮނާކްޝީ ބައިވެރިވެއެވެ.
ނަމަވެސް ސަލްމާންގެ ގާތް މީހުން ބުނަނީ ސަލްމާނާއި ސޮނާކްޝީ އަކީ ވަރަށް ގާތް ދެ އެކުވެރިން ކަމަށެވެ. އެއަށް ވުރެ ބޮޑު ގުޅުމެއް ނޯންނަ ކަމަށެވެ.
