ސޯޝަލް މީޑިއާގައި މިހާރު ވަރަށް ބޮޑު މަގުބޫލު ކަމެއް ހޯދަމުން އަންނަ ލަވައެއް ކަމުގައިވާ "ކައްޗާ ބާދާމް"ގެ އަަސްލު ލަވަ ކީ މީހާ ބޫބާން ބަދުޔަކަރް އެކްސިޑެންޓެއް ވެއްޖެއެވެ.

އިންޑިއާގެ ދެކުނު ބެންގާލްގެ މަގުމަތީގައި ބަދަން ވިއްކަން އުޅުނު ބޫބާން މި ލަވަ ކިޔާފައިވަނީ ބަދަން ވިއްކަން އުޅުނު އިރު އެނާގެ ވިޔަފާރިއަށް މީހުންގެ ސަމާލުކަން ހޯދުމުގެ ގޮތުންނެވެ.

ނަމަވެސް އޭނާއަށް ލިބުނު މަޝްހޫރު ކަމާއެކު ވަނީ ބަދަން ވިއްކުން ހުއްޓާލައިފައެވެ. އޭނާ ބުނެފައިވާ ގޮތުގައި މިހާރު އޭނާއަކީ ސްޓާރެކެވެ.

އަންގާރަ ދުވަހު ވެސްޓް ބެންގަލްގައި އެކްސިޑެންޓު ހިނގީ ބޫބަން ދުއްވާފައި ދިޔަ ވެހިކަލް ފާރަކަށް އަރައިގެންނެވެ. އޭނާއަށް ވަނީ ހޮސްޕިޓަލަށް ގެންގޮސް ފަރުވާ ދީފައެވެ. ނަމަވެސް މިހާރު އޭނާ ވަނީ ހޮސްޕިޓަލުން ދޫކޮށްލައިފައެވެ. އަދި އޭނާއަށް ސީރިއަސް އަނިޔާތަކެއް ނުލިބޭ ކަމަށް ޚަބަރުތައް ބުނެއެވެ.

މިއުޒީޝަން ނަޒުމޫ ރިޗަތު ވަނީ މި ލަވައިގެ ރިމިކްސެއް ހަދައި އާއްމުކޮށްފައެވެ. އެތައް ބައެއްގެ ސަމާލުކަމަށް މި ލަވަ ގެނައި މި ރިމިކްސްގެ ވީޑިއޯގައި ބޫބާންވެސް ފެނެއެވެ.

ސޯޝަލް މީޑިއާގައި ހާއްސަކޮށް ޓިކްޓޮކްގައި މިލަވަ ހޯދާ މަގުބޫލުކަން ބޮޑެވެ. މަޝްހޫރު ފަންނާނުންވެސް މި ލަވައަށް އެކްޓްކޮށް ސޯޝަލް މީޑިޔާގައި ހިއްސާކުރަން ފެށުމުން ބޫބާންއަށް ލިބޭ ސަމާލުކަން އަންނަނީ އިތުރުވަމުންނެވެ.

މި ރިމިކްސްއަށް އެތައް ހިޓްސްއެއް ލިބުނު ނަމަވެސް އޭގެ އެއްވެސް ކްރެޑިޓެއް ބޫބާންއަށް ދީފައި ނެތުމުން އެތައް ބަޔަކު އައީ ފާޑުކިޔަމުންނެވެ. އެހެންކަމުން "ގޮދުލިބެލާ މިޔުޒިކް" ގެ ފަރާތުން ބޫބާންއަށް ވަނީ 3 ލައްކަ ރުފިޔާ ހަދިޔާކޮށްފައެވެ.