ބޮލީވުޑް އެކްޓްރެސް ކަންގަނާ ރަނާވަތުގެ ކުރިއަށް އޮތް ފިލްމް "ދާކަޑް" މޭ މަހުގެ 27 ވަނަ ދުވަހުގައި ރިލީޒް ކުރާ ގޮތަށް ހަމަޖެހިއްޖެއެވެ.
ގިނަ ބަސްތަކަކުންގެނެސްދޭ މި ފިލްމަކީ އެކްޝަން މަންޒަރުތައް ގިނަ ފިލްމެކެވެ. ހިންދީ، ޓަމިލް، ތެލުގޫ އަދި މަލަޔާޅަމް ބަހުން ގެނެސްދޭ މިފިލްމަަށް ގިނަބަޔަކު އަންނަނީ އިންތިޒާރު ކުރަމުންނެވެ.
ކަންގަނާ އެކަނި ލީޑުކުރާ ގިނަ ފިލްމުތައް ބެލުންތެރިންނަށް ވަނީ ވަރަށް ކަމުގޮސްފައެވެ. ޕަދްމަޝްރީ އާއި އެނޫންވެސް ގިނަ އެވޯޑްތަކެއް ހާސިލް ކޮށްފައިވާ ބަތަލާގެ އެންމެ ފަހުގެ ފިލްމަކީ "ތަލައިވީ"އެވެ.
ރަޒްނީޝް ރަޒީ ގާއި ޑައިރެކްޓްކޮށް ސޮހެލް މަކްލާއި އާއި ދީޕަކް މުކުތު ޕްރޮޑިއުސް ކޮށްފައިވާ "ދާކަޑް"ގެ މުހިންމު ރޯލުތަކުން އަރުޖުން ރާމްޕަލް، ދިވްޔާ ދަތު އަދި ސަސްވަތާ ޗަތުރްޖީ ވެސް ފެނިގެން ދާނެއެވެ.
