ބޮކްސް އޮފީހުގައި ޓެލުގޫ ފިލްމު "ޕުޝްޕާ" ހޯދި ކާމިޔާބާއެކު މި ފިލްމުގެ ދެވަނަ ބައެއް އުފެންދުމުގެ މަސައްކަތް ޕްރޮޑިއުސަރުން ފަށައިފިއެވެ.
ފިލްމަށް މުޅި ދުނިޔެއިން ލިބިފައިވާ ތަރުހީބުގެ ސަބަބުން މި ސުޕަރހިޓްގެ ސީކުއަލްގެ މަސައްކަތް ފަށައި، މިހާރު ސްކްރިޕްޓް ވަނީ ލިޔަން ފަށާފައެވެ.
"ޕުޝްޕާ"ގެ ލީޑުން ފެނިގެން ދިޔައީ ޓެލުގޫ ސުޕަރސްޓާ އައްލޫ އަރުޖުނާއި ރަޝްމިކާ މަންދަނާއެވެ. ފިލްމުގައި މިތަރިން ދެއްކި އެކްޓިންއަށް ވަނީ ތައުރީފު އޮހިފައެވެ.
ހަމަ އެހެންމެ ފިލްމުގެ ލަވަތަކަކީ ހާއްސަ ކޮށް "އޫ އައްޓަވާ" އަށް ވަނީ ބޮޑު ތަރުހީބެއް ލިބިފައެވެ. މިއީ ފިލްމުގެ އައިޓަމް ސޯންގްވެސް މެއެވެ. އަދި މި ލަވައިން ޓެލުގޫ އިންޑަސްޓަރީގެ އެންމެ މަގުބޫލު އެއް އަންހެން ތަރި ކަމުގައިވާ ސަމަންތާ ވަނީ ވަރުގަދަ ނެށުންތަކެއް ދައްކުވައިދީފައެވެ.
ސުކުމަރު ޑައިރެކްޓުކޮށްފައިވާ "ޕުޝްޕާ" އަކީ އިންޑިއާގެ ވަކި ހިސާބަކުން ނޫނީ ނުލިބޭ ލަކުޑިއެއް ވަގަށް ވިއްކުމުގެ ވިޔަފާރިކުރާ ބަޔަކާއި އެކަން ހުއްޓުވުމަށް މަސައްކަތް ކުރާ ފުލުހުން ތަކެއްގެ މެދުގައި ހިންގާ ކަންތައްތަކެއް ދައްކުވައިދޭ ފިލްމެކެވެ.
