ޝާހްރުކް ޚާންގެ ދޮށީ ފިރިހެން ދަރިފުޅު އާރިޔަން ޚާން ބޮލީވުޑަށް ތައާރަފްވާނެ ކަމުގެ އުންމީދުގައި ފޭނުން ތިއްބާ، އަދި މީޑީއާގައި އޭނާ އެކްޓިން ކެރިއަރު ފަށާ ވާހަކަ ދައްކާފައި ވަނިކޮށް، އޭނާ ފިލްމަކުން އަވަހަށް ނުފެންނާނެ ކަމަށް ބުނެފިއެވެ.
ނަމަވެސް ފިލްމީ ދާއިރާއާ ގުޅުން ހުރި ދާއިރާއަކުން އާރިޔަންގެ މަސައްކަތް ވަރަށް އަވަހަށް ފެންނާނެ ކަމަށް ރިޕޯޓްތައް ބުނެއެވެ. ނަމަވެސް ބައްޕަ ޝާހް ގޮތަށް އާރިޔާން ފެންނާނީ ކެމެރާ ކުރި މައްޗަކުން ނޫނެވެ.
View this post on Instagram
ޚަބަރުތަށް ބުނާގޮތުގައި އާރިޔަން އަންނަނީ ސްްކްރިޕްޓެއް ލިޔުމުގެ މަސައްކަތްކުރަމުންނެވެ. ތަފާތު އެކި ހިޔާލުތައް ހޯދައިގެން ވެބް ސީރީޒަކާއި ފިލްމެއްގެ ސްޓޯރީ ތައްޔާރުކުރުމުގެ މަސައްކަތް އޭނާ ކުރަމުން އަންނަ ކަމަށް ޝާހްގެ ގާތް މީހަކާއި ހަވާލާދީ ބައެއް ނޫސްތަކުން ވަނީ ބުނެފައެވެ.
އޭނާ ސްކްރިޕްޓް ތައްޔާރުކުރަމުން އަންނަ ވެބް ސީރީޒް ދައްކާނީ އެމޭޒަން ޕްރައިމް އިން ކަމަށާއި އަދި ފިލްމަކީ ޝާހްގެ އަމިއްލަ ރެޑް ޗިލީ އެންޓަޓައިންމަންޓްގެ ޕްރޮޖެކްޓެއް ކަމަށް ވެސް ޝާހްގެ ގާތް ފަރާތަކާ ހަވާލާދީ ނޫސްތަކުން ވަނީ ބުނެފައެވެ.
ވެބް ސީރީޒްގައި އާރްޔަން އާއިއެކު ކޯ ރައިޓަރެއްގެ ގޮތުގައި މަސައްކަތް ކުރާނީ "ދަ ބާޑް އޮފް ބްލަޑް"، "ދަ ކިސް އޮފް ލައިފް" އަދި "ދަ ފޮނިކްސް"ގެ ސްކްރީން ޕްލޭ ލިޔުމުގައި މަސައްކަތްކޮށްފައިވާ ބިލާލް ސިއްދީގީއެވެ.
އާރިޔަން ވަނީ ފައިން އާޓްސް، ސިނަމެޓިކް އާޓްސް، ފިލްމް އަދި ޓެލެވިޒަން ޕްރޮޑަކްޝަނުން ޔުނިވަރސިޓީ ޢޮފް ސަދާން ކެލިފޯނިއާއިން ބެޗްލަރ އޮފް އާޓްސް ހާސިލްކޮށްފައެވެ.
