ސިލްސިލާ ޓީވީ ޑްރާމާ "ކަސޯޓީ ޒިންދަގީ ކީ" އިން އަނޫރާގް ބާސޫގެ ކެރެކްޓާއިން ފެނިގެން ދިއަ ސިޒޭން ޚާން ވަރަށް އަވަހަށް ކައިވެނި ކުރާނެ ކަމަށް ޚަބަރުތަށް ބުނެފިއެވެ.
މިހާރު އުމުރުން 44 އަހަރު ވެފައިވާ ސިޒޭންގެ އަލަތު ކައިވެނި ވަރަށް ވަހަށް ކުރެވިގެން ދާނެ ކަމަށާއި އޭނާ ކައިވެނި ކުރަނީ އިންޑަސްޓްރީ އާއި އެއްވެސް ގުޅުމެއް ނެއް ވަރަށް ސީދާ ސާދާ ކުއްޖަކާއި ކަމަށް ޚަބަރުތައް ބުނެއެވެ.
ސިޒޭން ލޯބީގެ ގޮތުން ގުޅިގެން އުޅެނީ އަފްޝީން ކިޔާ ކުއްޖަކާއެވެ. އަދި އެދެމީހުން ލޯބީގެ ގޮތުން އެކުގައި އުޅޭތާ މިހާރު 3 ވަރަކަށް އަހަރު ވެއްޖެއެވެ.
ސިޒޭން ބުނިގޮތުގައި އޭނާ އަފްޝީން އާއި ދިމާވީ ރަނގަޅު މަޑުމައިތިރި އާދައިގެ ކުއްޖެއް ހޯދަމުން އަންނަނިކޮށް ކަމަށެވެ. އަދި އަފްޝީންއަށް ޕްރޮޕޯސް ކުރީ ބިރިޔާނީ ކައްކައިދިނުމުން ކަމަށް ވެސް ބުނެފައިވެއެވެ.
View this post on Instagram
އެމީހުން 2020 ގައި ކައިވެނި ކުރުމަށް ނިންމި ކަމަށާއި ނަމަވެސް ކޯވިޑްގެ ސަބަބުން ކައިވެނި ފަސްކުރަން ޖެހުނީ ކަމަށްވެސް ސިޒޭން ވަނީ ބުނެފައެވެ. އަދި ކޮންމެ ކަމެއްވެސް ވާނީ ރަނގަޅަށް ކަމަށާއި އަފްޝިން ކަހަލަ ރަނގަޅު ކުއްޖަކު ލިބުމުން ވަރަށް އުފާވާކަމަށްވެސް ބުނެފައިވެއެވެ.
"ކަސޯޓީ" އަކީ ބެލުންތެރިންގެ މެދުގައި ވަރަށް ބޮޑު މަގުބޫލުކަމެއް ހޯދި ޑްރާމާއެކެވެ. އަދި މި ޑްރާމާގެ ހުރިހާ ކެރެކްޓަރތައް ވެސް ވަނީ ބެލުންތެރިންގެ ހިތް ފަތަހަ ކޮށްފައެވެ. ސިޒޭން މިހާރުވެއް އަންނަނީ ބައެއް ޑްރާމާ ތަކުން ފެންނަމުންނެވެ. އެންމެ ފަހުން އޭނާ ފެނިގެން ދިއައީ "ޝަކްތީ: އަސްތިތުވާ އޭކް އެހްސާސް" އިންނެވެ.
