ބޮލީވުޑާއި ހޮލީވުޑްގެ ކުޅަދާނަ ބަތަލާ ޕްރިޔަންކާ ޗޯޕްރާއަށް އަނެއްކާވެސް ވަރުގަދަ ފިލްމެއް ހޮލީވުޑުން ލިބިއްޖެއެވެ.
އޭނާ ވަނީ ދާދިފަހުން ނެރުނު ވަރުގަދަ ހޮލީވުޑް ފިލްމެއް ކަމުގައިވާ "ދަ މެޓްރިކްސް: ރިސަރެކްޝަންސް" ގައި ކިއާނޫ ރީވްސް އާއެކުގައިވެސް މުހިންމު ރޯލަކުން ފެނިގެންގޮސްފައެވެ.
"އެންޑިންގ ތިންގްސް" ގައި ޕްރިޔަންކާ އާއި އެކުގައިފެނިގެން ދާނީ މާރވެލް ތަރި އެންތޮނީ މެކީ ކަމަށް ރިޕޯޓްތަށް ވަނީ ބުނެފައެވެ.
މި ފިލްމް ބިނާކޮށްފައިވަނީ 1994ގައި ޖޭމްސް ކެމެރޮން ޑައިރެކްޓްކުރި އެކްޝަން-ކޮމެޑީ "ޓްރޫ ލައިޒް"ގެ މައްޗަށެވެ. ނަމަވެސް މި ފިލްމުގައި ޕްރިޔަންކާ އަދި އެންތޮނީ ކުޅެނީ ކޮން ރޯލެއްކަމެއް އަދި ހާމައެއް ނުކުރެއެވެ.
