2023 ވަނަ އަހަރު ޑެލިވަރީ ތަކަށް މަގުމަށްޗަށް ރޮބޮޓް ނެރުމަށްޓަކައި ދެކުނު ކޮރެއާއިން ރޮބޮޓް ތަކަކަށް ތަމްރީނު ދޭން ފަށައިފިއެވެ.
ކޮރެއާ ސަރުކާރުން މިހާރު ބާރުސްޕީޑުގައި ކުރިއަށް ގެންދާ މަސައްކަތަކީ މި ރޮބޮޓްތައް މަގުމަތީގައި އުޅުމުގެ ހުއްދަ ލިބޭ ގޮތަށް ގާނޫނެއް ހަދައި، ތަންފިޒު ކުރުމުގެ މަސައްކަތެވެ.
ރޮބޮޓްތައް މަގުތަކަށް ނެރުމުގެ ތަމްރީން ދޭން ފެށިއިރު، ކޮރެއާގެ އެންމެ ބޮޑު އެއް ފުޑް ޑެލިވަރީ އެޕް ކަމުގައިވާ ވޫވޫ ބްރަދާސް އިން ވަނީ 2020 ވަނަ އަހަރު ޓްރަޔަލް އުސޫލުން ރޮބޮޓް ބޭނުން ކުރަން ފަށާފައެވެ.
ދިގުމިނުގައި ގާތްގަނޑަކަށް 70 ސެންޓިމީޓަރު ހުންނާ، "ޑިލީ ޑްރައިވް"ގެ ނަން ދީފައިވާ މި ރޮބޮޓްތައް، ޓްރަޔަލްއެއްގެ ގޮތުގައި ސޯލްގެ އައްސޭރިފަށުގައި އޮންނަ ސިޓީއެއް ކަމަށްވާ ސުވޮންގައި އެޕާޓްމަންޓް ކޮމްޕްލެކްސްއެއްގެ ވަށައިގެން ހާއްސަ ޒޯނެއް ގާއިމްކޮށް، ޑެލިވަރީގެ ހިދުމަތް އެގައުމުގެ ސަރުކާރުން އަންނަނީ ދެމުންނެވެ.
މި ރޮބޮޓްތައް ތައްޔާރު ކޮށްފައިވަނީ މަގުމަތީގެ ގަވައިދު ތަަކާއި އެއްގޮތްވާ ގޮތުގެ މަތިންނެވެ. އެގޮތުން މަގުހުރަސްކުރާއިރު ރަތް ބޮތްކަށް މަޑުކޮށް، އަދި ހިނގާ ބިނގާވެ އުޅޭ މީހުންނާ ވެސް ދުރުހެލިވެ، މަންޒިލަށް ދެވުމުން ކަސްޓަމަރ ފޯނަށް މެސެޖެއް ލިބޭފަދަ ސްމާޓް ފީޗާތައް ވެސް ވަނީ ހިމަނާފައެވެ.
