ބޮލީވުޑްގެ އަބަދަށް ފެހި ބަތަލާ ކާޖޮލް މުމްބާއީގެ އެންމެ އަގުބޮޑު އެއް ސަރަހައްދު ކަމަށްވާ ޖޫހޫ އިން ދެ އެޕާޓްމެންޓް ގަނެފިއެވެ.
މިއީ ޖޫހޫގެ އަނަންޔާ ބިލްޑިންގުން ކާޖޮލް ގަނެފައިވާ 2 އެޕާޓްމެންޓްއެވެ. 2 އެޕާޓްމެންޓްވެސް ކާޖޮލް ގަނެފައިވަނީ ބިލްޑިންގްގެ 10 ވަނަ ފަންގިފިލާއިންނެވެ.
ކާޖޮލް މި އެޕާޓްމެންޓްތައް ގަނެފައިވަނީ މި އަހަރުގެ ޖަނަވަރީ މަހުގެ ތެރޭގައެވެ. ޖުމްލަ 2000 އަކަ ފޫޓުގެ މި 2 އެޕާޓްމެންޓްގެ އަގު 11.95 ކަރޯޑް އިންޑިއާ ރުޕީސްއަށް އަރާކަމަށް ޚަބަރުތައް ބުނެއެވެ.
އަދި މި އެޕާޓްމެންޓްތައް ހުންނަނީ ކާޖޮލް މިހާރު ދިރިއުޅޭ ބަންގްލޯއާ ވަރަށް ކައިރީގައި ކަމަށްވެސް ޚަބަރުތައް ބުނެއެވެ.
View this post on Instagram
ފިލްމީ މަސައްކަތްތަކަށް ބަލާއިރު ކާޖޮލް އެންމެ ފަހުން ފެނިގެންދިޔައީ މިދިޔަ އަހަރު ނެރުނު ފިލްމު "ޓްރިބަންގާ" އިންނެވެ. އަދި މީގެ ހަފްތާއެއްހާ ދުވަސް ކުރިން ކާޖޮލް ވަނީ އޭނާގެ ކުރިއަށް އޮތް ފިލްމު "ސަލާމް ވެންކީ"ގެ ޝޫޓިންގ ފަށާފައެވެެ.
