ރަޝްމިކާ މަންދަނާގެ އެންމެ ފަހުގެ ފިލްމް "ޕުޝްޕާ"އަކީ މިދިޔަ އަހަރު ނެރުނު އެއްމެ ކާމިޔާބު އެއް ފިލްމެވެ. މި ފިލްމް ގައި ރަޝްމިކާ އަދި އައްލޫ އަރުޖުން ދެއްކި އެކްޓިންއަށް ތައުރީފު ނުކުރާ މީހަކު ނެތެވެ.
މި ފިލްމްގެ ކާމިޔާބާއެކު ފޭނުން އަންނަނީ ރަޝްމީގެ އަމިއްލަ ދިރިއުޅުމާ ބެހޭގޮތުން ގިނަ ސުވާލުތަކެއް ކުރަމުންނެވެ. އެކަން އިންޓަވިއު ތަކުންވެސް އަންނަނީ ފެންނަމުންނެވެ. އޭނާގެ މަސައްކަތްތަކާ މެދު ކުރާ ސުވާލުތައް މަދުވެ ދިރިއުޅުމާއި ބެހޭގޮތުން ކުރާ ސުވާލުތައް ގިނައެވެ.
އެގޮތުން އެންމެ ގިނަ މީހުން ބަލަން ބޭނުންވަނި ރަޝްމީކާގެ ލޯބިވެރިއެއް ހުރޭތޯއެވެ. މި ސުވާލުގެ ޖަވާބު ރަޝްމިކާ ވަނީ ދާދިފަހުން ދިން އިންޓަވިއުއެއްގައި ދީފައެވެ.
އޭނާގެ ބައިވެރިއެއްގައި ހުންނަން ޖެހޭ ސިފަތަކާ ބެހޭގޮތުން ވަނީ ވާހަކަދައްކާފައެވެ. ރަޝްމިކާ ބުނީ އޭނާއަށް ލޮތްބަކީ އެކަކު އަނެކަކަށް އިހުތިރާމާއި ވަގުތު ދީ، އަމާންކަން އިހްސާސްވުން ކަމަށެވެ. އަދި އެމީހެއްގެ ކައިރީގައި އުޅޭއިރު ރައްކާތެރިކަން އިހުސާސް ކުރެވުން ކަމަށާއި ލޮތްބަކީ ގިނަ އިހުސާސްތަކަކަށް ވާތީ މާ ބޮޑަށް ކިޔައިދޭން ނޭނގޭ ކަމަށްވެސް ބުނެފައިވެއެވެ.
View this post on Instagram
މީގެކުރިން ވަނީ ރަޝްމިކާ އާއި ވިޖޭ ދެވަރަކޮންޑާ ލޯބީގެ ގޮތުން ގުޅިގެން އުޅޭކަމަށް އަޑުތައް ފެތުރިފައެވެ. މި އަޑުތައް އަރާފައި ވަނި އެދެތަރިން އެކުގައި ކުޅުނު ފިލްމަކަށް ފަހުއެވެ. ނަމަވެސް މިކަން މި ދެތަރިން ވަނީ ދޮގު ކޮށްފައެވެ.
ޓެލެގޫ އިންޑަސްޓްރީގައި މަޝްހޫރު ރަޝްމިކާ ބުނިގޮތުގައި އަދި މިހާތަނަށް ކައިވެންނާ މެދުގައި އޭނާ ނުވިސްނައެވެ. އޭނާ ބޭނުން ވަނީ ކެރިއަރއަށް ފޯކަސް ކުރާށެވެ.
