ޔުއެފާ ޗެންޕިއަންސް ލީގުގެ ދެވަނަ ބުރުގައި އިނގިރޭސި ކްލަބް މެންޗެސްޓާ ސިޓީން ރަށުން ބޭރުގައި ޕޯޗުގަލްގެ ސްޕޯޓިން ތަފާތު ބޮޑުކޮށް ބަލިކޮށް، ބަލިކޮށް މުބާރާތުގެ ކުއާޓާ ފައިނަލާއި ގާތަށް ޖެހިލައިފިއެވެ.
ރޭ ޕޯޗުގަލްގެ ސްޕޯޓިން ދަނޑުގައި ކުޅުނު މެޗު ސިޓީން ކާމިޔާބު ކުރީ 5-0 ގެ ނަތީޖާއަކުންނެވެ. މިމެޗުގައި ބެނާޑޯ ސިލްވާ ވަނީ ސިޓީއަށް ދެގޯލް ކޮށްމިޔާބުކޮށްދީފައެވެ. މިމަޗުގެ ފުރަތަމަ ހާފުގައިވެސް ސިޓީން ވަނީ ހަތަރު ލަނޑު ޖަހައިފައެވެ. ރިޔާދް މަހްރޭޒް އާއި ބެނާޑޯ ސިލްވާ އަދި ފިލް ފޮޑެން މި ހާފުގައި ސިޓީގެ ލަނޑުތައް ޖަހައިދީފައެވެ.
ސިޓީގެ ފަސްވަނަ ލަނޑު 58 ވަނަ މިނިޓުގައި ޖަހައިދިނީ ރަހީމް ސްޓާލިންއެވެ. މި ދެ މެޗުގެ ވެސް ދެވަނަ ލެގުގެ ކުޅުން އޮންނާނީ އަންނަ މާޗު މަހުގެ 9 ވަނަ ދުވަހުގެ ރެއެވެ.
ޗެންޕިއަންސް ލީގުގައި މިރޭވެސް ފޯރގަދަ މެޗުތަކެއް ކުޅޭނެއެވެ. މިރޭގެ ދެމެޗުގެ ތެރެއިން އެންމެ ގިނަ ބަޔަކު ބަލާނެކަމަށް ބެލެވޭ މެޗަކީ ލިވަޕޫލް އިންޓަރ މިލާން ކުޅޭ މެޗެވެ. މިމެޗު ފަށާނީ ރާއްޖެ ގަޑިން މިރޭ ދަންވަރު 1 ޖަހާއިރުއެވެ.
