ކޯވިޑްގެ ތިންވަނަ ރާޅަކާއި ހަނގުރާމަ ކުރަމުންދާ ބޮލީވުޑް އިންޑަސްޓްރީން އަލުން ސިނަމާތައް ހުޅުވާލުމާއެކު، މިހާރު ސިނަމާއަށް ނުގެނެވި ކިއުގައި ހުރި ފިލްމުތައް ރިލީޒް ކުރާނެ ދުވަސްތައް ވަނީ އިއުލާން ކުރަން ފަށައިފައެވެ.
އެގޮތުން ރަންބީރު ކަޕުރާއި ވާނީ ކަޕޫރު އަދި ސަންޖޭ ދަތުގެ "ޝަމްޝޭރާ" ރިލީޒް ކުރާނެ ތާރީހު، ޔަޝްރާޖް ފިލްމުސް އިން މިހާރު ވަނީ އިއުލާން ކޮށްފައެވެ.
ސޯޝަލް މީޑިއާގައި ހިއްސާކުރި ވަރުގަދަ ވީޑީއޯ އަކާއެކު މި ފިލްމު ރިލީޒް ކުރާނެ ކަމަށް އިއުލާން ކޮށްފައިވަނީ ޖުލައި 22 ގައެވެ.
A legend will rise on 22nd July. Celebrate #Shamshera with #YRF50 only at a big screen near you. Releasing in Hindi, Tamil and Telugu. pic.twitter.com/vPN3F58uSX
— Yash Raj Films (@yrf) February 11, 2022
ޔަޝް ރާޖް ފިލްމްްސްގެ މި ފިލްމު ޑައިރެކްޓް ކޮށްފައިވަނީ ކަރަން މަލްހޮތުރާއެވެ. މި ފިލްމު ހިންދީ، ޓެމިލް އަދި ޓެލުގޫ ބަހުން ނެރުމަށް ވަނީ ހަމަޖެހިފައެވެ.
