ސްޓެލްކޯގައި ވެލްޑިންގ ކުރުމުގެ ހުނަރު އިތުރުކުރުމުގެ ޕްރޮގުރާމެއް ބާއްވައިފިއެވެ.
ސްޓެލްކޯއިން ދަނީ އެކުންފުނީގެ މުވައްޒިފުންނަށް މަސައްކަތުގެ ދާއިރާތަކުން ފަންނީ ގާބިލްކަން އިތުރު ކުރުމަށް ތަފާތު އެކި ޕްރޮގުރާމުތައް ހިންގަމުންނެވެ. ކަމާއި ގުޅުންހުރި އިދާރާތަކާއި ގުޅިގެން ސްޓެލްކޯއިން ކުރިއަށް ގެންދާ މި ޕްރޮގުރާމުތަކުގައި އެކުންފުނީގެ މުވައްޒިފުންގެ ފަރާތުން ބޮޑު ތަރުހީބެއް ލިބިގެންދެއެވެ.
ސްޓެލްކޯއިން ހިންގަމުންދާ ޕްރޮގުރާމުތަކުގެ ތެރެއިން ވަނީ ސްޓެލްކޯގެ މުވައްޒަފުންގެ ވެލްޑިންގ ކުރުމުގެ ހުނަރު އިތުރު ކުރުމުގެ ގޮތުން މޯލްޑިވްސް އިންސްޓިޓިއުޓް އޮފް ޓެކްނޮލޮޖީއާއި ގުޅިގެން 10 ދުވަހުގެ މުއްދަތަށް ޚާއްސަ ޓްރެނިން އެއް ކުރިއަށް ގެންގޮސްފައެވެ.
މިކުންފުނީގެ މުވައްޒަފުންގެ ވެލްޑިންގ ކުރުމުގެ ހުނަރު އިތުރު ކުރުމުގެ ގޮތުން މޯލްޑިވްސް އިންސްޓިޓިއުޓް އޮފް ޓެކްނޮލޮޖީއާއި ގުޅިގެން 10 ދުވަހުގެ މުއްދަތަށް ކުރިޔަށް ގެންދިޔަ ހާއްސަ ޓްރެއިނިންގެ ބައިވެރިންނަށް މިއަދު ވަނީ ސެޓްފިކެޓްދީފައި. pic.twitter.com/ziCDNFOSwM
— STELCO (@STELCOMALDIVES) February 9, 2022
މި ޓްރެއިނިންގައި ޖުމްލަ 15 މުވައްޒިފަކު ވަނީ ބައިވެރިވެފައެވެ. މި ޕްރޮގުރާމު ފުރިހަމަ ކުރި ބައިވެރިންނަށް ސެޓްފިކެޓް ހަވާލުކޮށްދެއްވީ ސްޓެލްކޯގެ މެނޭޖިން ޑިރެކްޓަރ ހަސަން މުޣުނީ އެވެ.
ކޮމެންޓު ފޮނުވާ