ސަލްމާން ޚާނާއި، ކުރީގެ ލޯބިވެރިޔާ ކެޓްރީނާ ކައިފް އެކުގައި ފެނިގެންދާ ސިލްސިލާ ފިލްމު ޓައިގާގެ ތިންވަނަ ފިލްމް "ޓައިގާ-3″ ގެ ޝޫޓިންގ އަލުން ފެށުމުގެ މަސައްކަތް ކުރަމުން އަންނަ ކަމަށް މީޑިއާ ތަކުން ބުނެފިއެވެ.
މި ފިލްމުގެ ޝޫޓިންގެ ބޮޑުބައި މިހާރުވަނީ ނިމިފައެވެ. ކޯވިޑްގެ ސަބަބުން އިންޑިއާގެ ހާލަތު ގޯސްވުމުން މެދުކަނޑާލި މި ފިލްމުގެ ޝޫޓިންގ އަލުން ފެށުމަށް ހަމަޖެހިފައިވަނީ މި މަހުގެ 14 ވަނަ ދުވަހު، ދިއްލީގައެވެ.
ޔަޝްރާޖް ފިލްމްސް (ވައިއާރްއެފް) އިން ޕްރޮޑިއުސްކުރާ މިފިލްމަކީ ސިނަމާގައި އެޅުވުމަށް ނިންމާފައިވާ ފިލްމެކެވެ.
މި ފިލްމުގެ ޝޫޓިންގ 10 ވަރަކަށް ދުވަހަށް ދެމިގެން ދާނެކަމަށް ރިޕޯޓުތައް ބުނެއެވެ. މި ފިލްމުގެ ބައެއް މަންޒަރުތައް ޔޫރަޕުގެ ބައެއް ގައުމު ތަކުގައިވެސް ނަގާފައިވެއެވެ.
