2021 ވަނަ އަހަރު ދެވަނަ ދަރިފުޅަށް ބަނޑުބޮޑުކަން އިއުލާން ކުރި ކައިލީ ޖެނާއަށް ލިބެނީ އަންހެން ކުއްޖެއް ކަމަށް ޚަބަރުތައް ބުނެފިއެވެ.

ކައިލީގެ ފުރަތަމަ ދަރިފުޅަކީވެސް އަންހެން ކުއްޖެކެވެ. އެއީ މިހާރު އުމުރުން 3 އަހަރުގެ ސްޓޯމީ ވެބްސްޓަރ އެވެ.

ރިޕޯޓްތައް ބުނާގޮތުގައި ކައިލީގެ ދަރިފުޅުގެ ޖިންސު ފަޅާއެރީ ކިންޑަލް އާއި އޭނާގެ މަންމައާ ކުރި ފޭސްޓައިމެއްގެ ސަބަބުންނެވެ. މި ފޯންކޯލުގައި ކެންޑަލް އޭނާގެ މަންމައަށް ފިޔާތޮށި ކުލައިގެ ހެދުންކޮޅުތަކެއް ވަނީ ދައްކާފައެވެ.

މި ވީޑިއޯ ކޯލަށްފަހު މީޑިއާ ތަކުން ވަނީ ކައިލީއަށް މިފަހަރުވެސް ލިބެނީ އަންހެން ކުއްޖެއް ކަމަށް ބުނެފައެވެ. ނަމަވެސް އެއްވެސް ރަސްމީ ފަރާތަކުން މިކަން އަދި ކަށަވަރު ކޮށްނުދެއެވެ.

ކައިލީ އާއި ލަވަ ކިއުންތެރިއާ ޓްރެވިސް ސްކޮޓް، ޑޭޓް ކުރާކަން އިއުލާން ކޮށްފައިވަނީ 2017 ވަނަ އަހަރުއެވެ. އޮން-އޮފް ރިލޭޝަން ޝިޕެއްގައި ތިބި މިދެމީހުން ދެވަނަ ދަރިފުޅު ލިބޭކަން އިއުލާން ކުރިއިރު ވަރަށް އަވަހަށް މި ދެމީހުން އިންނަށް އުޅޭ ކަމަށްވެސް ވެސް އަޑުތައް ދަނީ ގަދަވަމުންނެވެ.

މީގެ ކުރިންވެސް 24 އަހަރުގެ ކައިލީ ވަނީ ގިނަ ދަރިން ބެނުންކަމަށް ބުނެ މީޑިއާގައި ވާހަކަދައްކާފައެވެ. ކައިލީ މިމަހު ވިހާނެ ކަމަށް ޚަބަރުތައް ބުނެއެވެ.