ބޮލީވުޑްގެ ކުޅަދާނަ އެކްޓަރ ނަވާޒުއްދީން ސިއްދީގީ، އޭނާގެ ގޭގެ ފޮޓޯއެއް ހިއްސާކޮށް ބެލުންތެރިން ސިއްސުވާލައިފިއެވެ.
ހުދު ގަނޑުވަރެއް ފަދަ މި ގެ އިމާރާތް ކުރުމަށް 3 އަހަރު ހޭދަވިކަމަށް ވެއެވެ. މުމްބާއީއިން ބިމެއް ގަނެގެން ހަދާފައިވާ މި ގެއަށް ދީފައިވާ ނަމަކީ "ނަވާބް"އެވެ.
3 ބުރިއަށް ނަގާފައިވާ މިގެ ފަރުމާކޮށްފައިވަނީ ވަރަށް ޝާހީކޮށެވެ. އަދި މި ގެ ބޭރުން ފެންނަ ޝާހީ ގޮތްގަނޑު ގޭގެ އެތެރިންވެސް ފެންނަ ކަމަށް ޚަބަރުތައް ބުނެއެވެ.
View this post on Instagram
ގިނަ ފިލްމްތަކެއް ކުޅެ އެތައް ބައެއްގެ މެދުގައި މަގުބޫލުކަން ހޯދާފައިވާ އެކްޓަރަކީ ބޮލީވުޑްގައި މިހާރު ތިބި ޑިމާންޑް ބޮޑު އެކްޓަރުންގެ ތެރެއިން އެކަކެވެ.
މިގޭގެ ފޮޓޯއެއް ނަވާޒުއްދީން ވަނީ އޭނާގެ އިންސްޓަގްރާމްގައި ހިއްސާކޮށްފައެވެ. 47 އަހަރުގެ އެކްޓަރުގެ ކުރިއަށް ހުރި ޕްރޮޖެކްޓްތަކުގެ ތެރޭގައި "ބޯލެ ޗޫޅިޔާ"، "ޖޮގިރާ ސަރަ ރާ ރާ"، "ހީރޯޕަންތީ 2″ ހިމެނެއެވެ.
