މީގެ ދެހަފްތާއެއްހާ ދުވަސް ކުރިން ކައިވެނި ރޫޅާލާފައިވާކަމަށް އިއުލާންކުރި ހޮލީވުޑް އެކްޓަރ ޖޭސަން މޮމޮއާ މިހާރު އުޅެމުން އަނަނީ މަގުމާތީގައި އޮތް ވެނެއްގައި ކަމަށް ރިޕޯޓްތައް ބުނެފިއެވެ.
42 އަހަރުގެ ޖޭސަން އާއި 53 އަހަރުގެ ލީސާ ބޮނެތުގެ ކައިވެނި ރޫޅުނު އިރު މި ކައިވެނިން ވަނީ ދެކުދިން ލިބިފައެވެ.
ޖޭސަން އާންމުންގެ މެދުގައި މަގުބޫލު ވެގެން ދިއައީ "އެކުއަމޭން"ގެ ގޮތުގައެވެ. އޭގެ ފަހުން އޭނާ ވަނީ ގޭމް އޮފް ތްރޯންސްގެ ރޯލެއް ކުޅެ ބެލުންތެރިންގެ ހިތުން ޖާގަ ހޯދާފައެވެ.
750،000 ޑޮލަރުގެ މި ވޭނަކީ ޖޭސަންގެ ވަރަށް ފޭވަރިޓް ވޭނެއް ކަމަށްވެއެވެ. އަދި މި ވޭންގައި އޭނާ އުޅެނީ ވަރަށް އަރާމުގައި ކަމަށް ރިޕޯޓުތައް ބުނެއެވެ.
މިވޭން ބާއްވާފައި އޮންނަނީ ޖޭސަން ގެ ރަހުމަތެރިއެއްގެ ގޭ ކުރިމަތީގައި ކަމަށްވެސް ރިޕޯޓްތައް ބުނެއެވެ. އަދި މި ގެއަކީ ކުރިން ޖޭސަން އާއި އޭނާގެ ކުރީގެ އަންހެނުން ލިސާ، އަދި މި ދެމީހުންގެ ދެދަރިން ދިރިއުޅޭ ޓޮޕަންކާ ހިލްއާއި ކައިރީގައި ހުންނަ ގެއެއްކަމަށްވެސް ރިޕޯޓްތައް ބުނެއެވެ.
ޖޭސަން ފެނިގެން ގޮސްފައިވަނީ ވަރަށް ތަފާތު ކޮންނެވެ. ލައިގެން ހުރި ދަނބު ކުލައިގެ ޓީޝާުޓުގައި ބާގަނޑުތަކެއް ހުރި އިރު ބޮލުގައި މީންދުވަހަކު ފުނާ އަޅާފައި ހުރިހެން ވެސް ހީނުވެއެވެ. މިގޮތަށް ޖޭސަން އުޅެމުން އަންނައިރު ފާހަގަ ކޮށްލެވޭ ކަމަކީ އޭނާގެ މިލްކިއްޔާތުގައި 14 މިލިއަން ޑޮލަރު(215 މިލިއަން ރުފިޔާ) ހުރިކަމެވެ.
