އެކްޓަރ އަދި ޑައިރެކްޓަރ ފަރްހާން އަޚްތަރު ޑައިރެކްޓްކުރާ ފިލްމު "ޖީލޭ ޒަރާ" ކުރިން އިއުލާން ކުރި ތަރިންނާއެކު ނުހެދިދާނެ ކަމަށް މީޑިއާ ރިޕޯޓްތަށް ބުނެފިއެވެ.
މި ފިލްމަކީ 3 އަންހެނެއްގެ ރޯޑް ޓްރިޕްގެ ވާހަކަ ކިޔައިދޭ ފިލްމެކެވެ. މި ފިލްމުން ފެނިގެން ދާނެ ކަމަށް ކުރިން އިއުލާންކޮށްފައި ވަނީ ރަންބީރު ކަޕޫރުގެ 3 ލޯބިވެރިން ކަމަށްވާ ކެޓްރީނާ ކައިފް އާއި ޕްރިޔަންކާ ޗޯޕްރާ އަދި އާލިއާ ބަޓެވެ.
އެހެން ނަމަވެސް މި ފިލްމްގެ އެއް ބަތަލާ ކަމުގައިވާ ޕްރިޔަންކާގެ ބަދަލުގައި އެހެން ތަރިއެއް ފިލްމަށް ނެގުމުގެ މަސައްކަތް ކުރަމުން އަންނަ ކަމުގެ އަޑުތައް މިހާރުވަނީ ފެތުރިފައެވެ.
މިގޮތަށް އަޑު އަރާފައި މިވަނީ ޕްރިޔަންކާއަށް ދަރިއަކު ލިބުމާ ގުޅިގެންނެވެ. ސަރޮގޭޓް ކޮށްގެން ހޯދި މި ކުއްޖާ ވިހާފާއި ވަނީ ދުވަސް ނުފުރާ ކަމަށް ވުމުން އެ ކުއްޖާއާއި އެކު ވަގުތު ހޭދަކުރަމަށް ޕްރިޔަންކާގެ ދެމަފިރިން ވަގުތު ހުސްކުރަން ބޭނުން ވާތީ އޭނާއަށް އެ ފިލްމްގެ ޝޫޓިން ކުރިއަށް ނުގެންދެވޭނެ ކަމަށް ރިޕޯޓްތަށް ބުނެއެވެ.
އެކުއްޖާ ވިހާނެ ކަމަށް ކުރިން ބުނެފައިވަނީ އޭޕްރިލް ހިސާބުގައި ކަމުގައިވިޔަސް 12 ހަފްތާ ކުރިން އެމީހުންގެ އަންހެން ދަރިފުޅު، ދުވަސް ނުފުރާ ވިހެއުމުން އަދިވެސް އޮތީ ހޮސްޕިޓަލުގައެވެ.
ނަމަވެސް ޕްރިޔަންކާ މި ފިލްމު ނުކުޅޭނެ ކަމަށް އަދި އެއްވެސް ރަސްމީ ފަރާތަކުން ކަށަވަރު ކޮށްދީފައެއް ނުވެއެވެ.
