ސައުތު އިންޑިއާގެ މަޝްހޫރު އެކްޓަރ ދަނޫޝްގެ އެންމެ ފަހު ބޮލީވުޑް ފިލްމު "އަތުރަންގީ ރޭ"ގައި ދެއްކި މޮޅު އެކްޓިންގެ ސަބަބުން ބޮލީވުޑްގެ ބޮޑު ބަޖެޓް ދެ ފިލްމެއް އޭނާއަަށް ލިބިއްޖެއެވެ.
މި ދެ ޕްރޮޖެކްޓަށް މިހާރު ދަނޫޝް ވަނީ ސޮއި ކޮށްފައިކަމަށް ރިޕޯޓްތައް ބުނެއެވެ. ނަމަވެސް މި ފިލްމުތަކާ ބެހޭގޮތުން މާބޮޑު ތަފްސީލެއް އަދި ހާމައެއް ނުކުރެއެވެ.
ދަނޫޝަށް ލިބުނު ދެ ފިލްމުގެ ތެރެއިން އެއް ފިލްމަކީ "އަތުރަންގީ ރޭ"ގެ ޑައިރެކްޓަރ އާނަންދު އެލް ރާއީގެ ފިލްމެއް ކަމަށް ޚަބަރުތައް ބުނެއެވެ.
ދަނޫޝް އެންމެ ފަހުން ޚަބަރު ތަކުގެ ފަލަސުރުހީން ޖާގަ ހޯދީ އޭނާގެ ކުއްލި ވަރީގެ ސަބަބުންނެވެ. ދާދި މިދާކަށް ދުވަހު ދަނޫޝްވަނީ އޭނާ އާއި އައިޝްވާރިޔާގެ ކައިވެނި ނިމުމަށް އައިކަން އިއުލާން ކޮށްފައެވެ. އައިޝްވާރިޔާ އަކީ ސައުތުގެ ސުޕަސްޓަރ ރަޖްނީކާންތުގެ އެއް އަންހެން ދަރިއެވެ.
ވަރީގެ ފަހުން ބޮޑު ދެ ފިލްމަކަށް އޭނާ މިހާރު ސޮއިކޮސްފައި ވުމުން މި އަހަރަކީ ދަނޫޝަށް ވަރަށް ބިޒީ އަހަރަކަށް ވާނެއެވެ.
