ބޮލީވުޑާއި ހޮލީވުޑްގެ ތަރި ޕްރިޔަންކާ ޗޯޕްރާ އާއި ލަވަކިއުންތެރިޔާ ނިކް ޖޯނަސް އެމީހުންގެ އަލަތު ދަރިފުޅު ލިބުނުކަން މީގެ ދުވަސްކޮޅެއް ކުރިން ވަނީ އިއުލާން ކޮށްފައެވެ.
ސަރޮގޭޓް މަންމައެއް ބޭނުން ކޮށްގެން ހޯދި މި ދަރިފުޅު ލިބުނީ ދުވަސް ނުފުރާ ކަމަށް ރިޕޯޓްތައް ބުނެއެވެ. އެހެން ކަމުން އަދިވެސް އެކުއްޖާ އޮތީ ހޮސްޕިޓަލުގައެވެ. މި ދެމީހުންނަށް ލިބިފައިވަނީ އަންހެން ކުއްޖެކެވެ.
ރިޕޯޓްތައް ބުނާގޮތުން ދަރިފުޅު ހޮސްޕިޓަލުން ދޫކޮށްލަން ވާއިރަށް ޕްރިޔަންކާ އާއި ނިކް އަންނަނީ ގެ މަރާމާތު ކުރަމުންނެވެ. އެގޮތުން ތުއްތު ދަރިފުޅަށް މަރުހަބާ ކިއުމަށް 20 މިލިއަން ޑޮލަރުގެ މަރާމާތެއް ކުރުމަށް މި ދެމަފިރިން ވަނީ ނިންމާފައެވެ. އެކުއްޖާ ހޮސްޕިޓަލުން ދޫކޮށްލާނެ ކަމަށް ބެލެވެނީ އޭޕްރިލް މަހުއެވެ.
ދެތަރިންގެ އަލަތު ދަރިފުޅަށް މަރުހަބާ ކިއުމަށް އޭޕްރިލް މަސް އަންނަށް ވާއިރަށް ދެތަރިންގެ ބިޒީ ޝެޑިއުލުން ވަގުތު ހުސްކޮށްގެން ތިބިކަމަށްވެސް ރިޕޯޓްތަށް ބުނެއެވެ.
