"ކަސައުޓީ ޒިންދަގީ ކީ" އިން ބޮޑު މަގުބޫލު ކަމެއް ލިބިގެންދިއަ ކޮމޮލިކާގެ ރޯލު ކުޅުނު އެކްޓްރެސް އުރްވަޝީ ޑޯލަކިއާ ޓީވީ އިންޑަސްޓްރީއަށް އެބުރި އައުމުގެ މަސައްކަތް ފަށައިފިއެވެ.
އޭނާ އެނބުރި އަންނަނީ އެކްތާ ކަޕޫރުގެ "ނާގިން 6″ އިންނެވެ. ނާގިން އަކީ މިހާރު އެންމެ ގިނަބައެއްގެ މެދުގައި މަގުބޫލު އެއް ޑްރާމާއެވެ. އަދި މިއީ މިފަދަ ހަމައެކަނި ޑްރާމާވެސް ވެއެވެ. މި ޑްރާމާގެ 6 ވަނަ ސީޒަނުން އުރްވަޝީ ފެނިގެން ދާނެ ކަން މިހާރުވަނީ ކަށަވަރުވެފައިއެވެ.
އެންމެ ފަހުން އުރްވަޝީ ފެނިގެން ގޮސްފައިވަނީ "ޗަންދުރަކާންތާ" އިން މީގެ 4 އަހަރު ކުރިންނެވެ.
މިހާރު ކަލާސްއިން ދައްކަމުން އަންނަ ބިގްބޮސް ނިމޭތަނަށް ޕްރިމިއާ ކުރުމަށް ތައްޔާރުވަމުން އަންނަ މި ޑްރާމާގެ ލީޑް ރޯލުން ފެނިގެން ދާނެ ތަރިއެއް އަދިވެސް ހާމަކޮށްފައެއް ނުވެއެވެ.
