ރައީސް ޔާމީން ޖަލަށް ލާނެކަމުގެ އިންޒާރު އެމްޑީޕީގެ ނާއިބު ރައީސް މުޙައްމަދު ޝިފާޒް ދެއްވި، ކުރިއަށް އޮތް ރިޔާސީ އިންތިޚާބުގައި ވާދަކުރާވަރުގެ ހިތްވަރު ހުރި ކެނޑިޑޭޓެއް އެޕާޓީގައި ނެތުމުންކަމަށް ޕީއެންސީގެ ނާއިބު ރައީސް އަދި މަޑުއްވަރީ ދާއިރާގެ މެންބަރު އާދަމް ޝަރީފް ޢުމަރު ވިދާޅުވެއްޖެއެވެ.
އާދަމް ޝަރީފް މިހެން ވިދާޅުވީ، ކުރީގެ ރައީސް އަދި އިދިކޮޅު ލީޑަރު ރައީސް ޔާމީން މިއަދު ކުރައްވަމުންދާ ކަންތައްތަކަކީ އެމަނިކުފާނު އަނބުރައި ޖަލަށްދާންޖެހޭ ޒާތުގެ ކަންތައްތަކެއް ކަމުގައި އެމްޑީޕީގެ ނައިބް ރައީސް މުހައްމަދު ޝިފާޒު ވިދާޅުވުމާއި ގުޅިގެންނެވެ.
ޝިފާޒްގެ އެ ވާހަކަތަކަށް ރައްދު ދެއްވާ އާދަމް ޝަރީފް ވަނީ، ހޮތްވަރު ހުރިނަމަ ރިޔާސީ ރޭހުގައި ރައީސް ޔާމީންއާއެކު ވާދަކުރާނެ މީހެއް ދެއްކުމަށް ގޮވާލައްވާފައެވެ.
އިރާދަކުރެއްވިއްޔާ ދެނެއް ރައީސް ޔާމިން ޖަލަކަށް ނުލެވޭނެ!
– އާދަމް ޝަރީފް ޢުމަރު
RY jalah laanekamuge inzaaru sarukaarun dhenee riyaasee inthihaabugai vaadhakuraavaruge hiiyvaruhuri candidateh MDP gai netheemaa! Hiiyvaru hurinama riyaassee reyhugai RY aaieku vaadha kuraane meeheh dhakkaa!
Iraadhakurevviyyaa dheneh RY jalakah nuleveyne!https://t.co/mOTshXWdhx— Adam Shareef Umar (@Adamshareefz) January 23, 2022
ކޮމަންޑު ދާއިރާގެ އެމްޑީޕީގެ ކެނޑިޑޭޓް މުހައްމަދު ރާޝިދުގެ ކެމްޕެއިންގައި ރޭ ކޮމަންޑޫގައި ބޭއްވި ޖަލްސާގައި ވާހަކަ ދައްކަވަމުން މުޙައްމަދު ޝިފާޒް (ސިއްޕެ) ވިދާޅުވީ ރައީސް ޔާމީން އިސްކޮށް ހުންނަވައިގެން ރާއްޖެއާއި ބޭރު ދުނިޔެއާއި، ޖައްސަން ކުރައްވާ މަސައްކަތަކީ، ކާމިޔާބު ވާނެކަމެއް ނޫންކަމަށެވެ.
ރައީސް ޔާމީން އިސްކޮށް ހުންވައިގެން ހިންގަވާ "އިންޑިއާ އައުޓް' ކެމްޕެނަށް ވަރަށް ބޮޑަށް ފާޑުވިދާޅުވެ ޝިފާޒު ވިދާޅުވީ މިއީ އެއްގޮތަކަށްވެސް ކުރެވޭނެ ޒާތުގެކަންތައްތަކެއް ނޫންކަމަށެވެ. ރައީސް ޔާމީނަށް އިންޑިއާ އައުޓް ނުކުރެވޭނެކަމަށް ވިދާޅުވެ، ޝިޔާޒު ވިދާޅުވީ ރައީސް ޔާމީންވެސް ޖެހޭނީ އިންވާން ކަމަށެވެ. އައުޓުވަންޏާ ރައީސް ޔާމީނަށްވެސް އޮތީ އަލުން ހުރި ތަނަށް (ޖަލަށް) އިން ވުންކަމަށް އޭނާ ވިދާޅުވިއެވެ.
ރައީސް ޔާމީން އެ މަސައްކަތް ކުރައްވަނީ އަލުން އަނބުރާ ޖަލަށް ދާން ޖެހޭ ވަރުގެ ކަންކަން. އަޅުގަނޑަށް ފެންނަނީ އަލުން އަނބުރާ އެމަނިކުފާނު ހުންނެވި ތަނަށް އިން ކުރަން. އަލުން އަނބުރާ އެމަނިކުފާނު ޖަލަށް ލާން އެބަ ޖެހޭ.
– ޝިފާޒު ވިދާޅުވިއެވެ.
ޝިފާޒު ވިދާޅުވީ ރައީސް ޔާމީނާއި ޕީޕީއެމްގެ ފިކުރަކީ ރާއްޖޭގެ ރައްޔިތުން ގަބޫލުކުރާ ފިކުރެއް ނޫންކަމަށެވެ. އިންޑިއާއަކީ ރާއްޖޭގެ އެންމެގާތް އެކުވެރިޔާއަށްވާއިރު އިންޑިއާއާއި ދެކޮޅަށް ހިންގަމުންދާ ހަރަކާތަކީ ދިވެހި ރައްޔިތުން ގަބޫލުކުރާ ހަރަކާތެއް ނޫންކަމަށެވެ.
