ބާގްޔަޝްރީގެ އަންހެން ދަރިފުޅު އަވަންތިކާ ދަސާނީ ވެސް ފިލްމީ ދާއިރާއަށް ނުކުތުމަށް ތައްޔާރުވެއްޖެއެވެ.
އަވަންތިކާ ވެސް ބޮލީވުޑަށް ތައާރަފް ކުރަނީ ޑައިރެކްޓަރު ރޯހަން ސިއްޕީއެވެ. އަވަންކިތާގެ ފުރަތަމަ ފިލްމަކީ ސައިކޮލޮޖިކަލް ތުރިލާ އެކެވެ.
ރޯހަން ސިއްޕީ އަކީ ބާގްޔަޝްރީގެ ފިރިހެން ދަރިފުޅު އަބިމަންޔޫ ދަސާނީ ވެސް ބޮލީވުޑަށް ތައާރަފް ކޮށްދިން ޑައިރެކްޓަރެވެ. އަބިމަންޔޫ ބޮލީވުޑް އަށް ތައާރަފް ވީ "މަރްދުކޯ ދަރްދް ނެހީ ހޯތާ" އިންނެވެ.
View this post on Instagram
އަވަންތިކާގެ ފިލްމާ ގުޅޭ އިތުރު މާގިނަ މައުލޫމާތެއް ހާމަކޮށްފައެއް ނުވެއެވެ. މި ފިލްމުން އޭނާއާއެކު ހުމާ ގުރައިޝީ އާއި ޕަރަމްބަރަތާ ޗައްދޯޕަތުޔާ ވެސް މުހިންމު ރޯލަކުން ފެނިގެން ދާނެކަމަށް ރިޕޯޓްތައް ބުނެއެވެ.
