ރައީސުލްޖުމްހޫރިއްޔާ އިބްރާހިމް މުހައްމަދު ޞާލިހު ކޯވިޑަށް ޕޮޒިޓިވްވި ޚަބަރު ލިބުމާއި ގުޅިގެން އިންޑިއާގެ ބޮޑުވަޒީރު ނަރެންދްރަ މޯދީ ރައީސް ޞާލިހަށް އަވަސް ޝިފާއަކަށް އެދިވަޑައިގެންފިއެވެ.
ކޯވިޑަށް ޕޮޒިޓިވްވެފައިވާކަން ހާމަކުރައްވާ ރައީސް ކުރެއްވި ޓްވީޓްގައި ވަނީ ކޯވިޑަށް ޕޮޒިޓިވްކަން އެނގިވަޑައިގަތީ އަތޮޅުތެރެއަށް ދަތުރުފުުޅު ކުރެއްވުމަށް ރޭގެ ވަގުތެއްގައި ޓެސްޓް ހެއްދެވުންކަމަށެވެ. އަދި ކޯވިޑަށް ޕޮޒިޓިވްވުމާއި ގުޅިގެން އެކަހެރިވެވަޑައިގެންފައިވާކަމަށް ރައީސް ވިދާޅުވިއެވެ.
ރައީސުލްޖުމްހޫރިއްޔާ ކޯވިޑަށް ޕޮޒިޓިވްވި ޚަބަރު ލިބުމާއިއެކު މޯދީ ކުރެއްވި ޓުވީޓުގައި ވިދާޅުވީ ރައީސް ސޯލިހުއަށް އަވަސް ޝިފާއަކަށް އަދި ދުޅަހެޔޮ ސިއްހަތަކަށް އެދިވަޑައިގަންނަވާ ކަަމަށެވެ. އަދި އެމަނިކުފާނުގެ ހެޔޮ އެދުންތައް ވަނީ ދިވެހި ރައްޔިތުންނާއެކުގައި ކަމަށާއި، ކޯވިޑް-19އާއި ގުޅިފައިވާ ގޮންޖެހުންތަކުން އަރައިގަތުމުގެ ދިވެހި ރައްޔިތުންނަށް ކާމިޔާބީއަށް އެދިވަޑައިގަންނަވާ ކަމަށްވެސް މޯދީ ވިދާޅުވިއެވެ. މީގެއިތުރުން، ރައީސް ސޯލިހު ކުރައްވާ މަަސައްކަތަށް އިންޑިއާއިން އަބަދުވެސް އެހީތެރިވާނެކަމުގެ ޔަގީންކަންވެސް މޯދީ ވަނީ އަރުވައިފައެވެ.
Dear President @ibusolih,
Hoping for your speedy recovery and good health.
Our best wishes are with you and the people of Maldives in successfully overcoming the challenges of COVID. India will continue to extend full support to your efforts. https://t.co/xjbu1wHzdZ
— Narendra Modi (@narendramodi) January 22, 2022
ރައީސް ސާލިހު ކޯވިޑަށް ޕޮޒިޓިވްވެފައިވާއިރު، އެމަނިކުފާނު ފޯކައިދޫއަށް މިއަދު ވަޑައިގަތުމަށް އޮތީ ހަމަޖެހިފައެވެ. މީގެކުރިން ރައީސްގެ އަނބިކަނބަލުން ފަޒްނާ އަޙްމަދުވެސް ކޯވިޑަށް ޕޮޒިޓިވްވެފައިވެއެވެ.
ކޮމެންޓު ފޮނުވާ