މަތިންދާބޯޓެއްގައި ދުނިޔެ ވަށާ ބުރެއް ޖެހި އެންމެ ޒުވާން އަންހެނާގެ ރެކޯޑް، އުމުރުން 19 އަހަރުގެ ޒާރާ ރުތާފޯޑަށް ލިބިއްޖެއެވެ.
ރެކޯޑް ހެދުމުގެ ނިޔަތުގައި، މިދިޔަ އަހަރު ނުކުތް ބެލްޖިއަމްގެ ފުރާވަރުގެ މި އަންހެން ކުއްޖާ ބުނެފައިވަނީ އެކަމަކީ އެއީ ހީކުރި ވަރަށްވުރެ ވެސް އުނދަގޫ ކަމެއް ކަމަށާއި އެހެން ނަމަވެސް އެކަން ކުރެވުމުން އުފާވާ ކަމަށެވެ.
މި ރެކޯޑް ޒާރާއަށް ލިބުނުކަން ގިނިސް ވޯލްޑް ރެކޯޑުން ވެސް މިހާރު ވަނީ އިއުލާންކޮށްފައެވެ.
އުމުރުން 14 އަހަރުން ފެށިގެން މަތިންދާބޯޓް ދުއްވަން ފެށި ޒާރާގެ މި ރެކޯޑާއެކު އޭނާ ވެފައި ވަނީ ކުޑަ މަތިންދާބޯޓެއްގައި ދުނިޔެ ވަށައި އެކަނި ބުރެއް ޖެހި އެންމެ ޒުވާން އަންހެނާ އަށެވެ.
At just 19 years and 199 days old, Zara @fly_zolo Rutherford from Belgium has just made aviation history ????️ https://t.co/nvJImXrq5l
— Guinness World Records (@GWR) January 21, 2022
މި ރެކޯޑް ހަދަން ޒާރާ ނުކުތީ އޮގަސްޓް 18، 2021 ގައެވެ. އޭނާ އެ ރެކޯޑް ހެދީ 199 ދުވަހުގެ ތެރޭގައެވެ.
