ބޮލީވުޑްގެ އެންމެ އުހުގައި ތިބި ތަރިންގެ ތެރޭގައި ހިމެނޭ މަޝްހޫރު ތިން ޚާނުންނަކީ އެމީހުންގެ ފިލްމީ ހަޔާތަށް އެއްވެސް ފަޑުކަމެއް ނެތް ތަރިންނެވެ. ޝާހުރުކް ޚާން، ސަލްމާން ޚާން، އަަދި އާމިރު ޚާނަކީ މިއަދުވެސް ބޮލީވުޑްގައި އެންމެ ނަގާކިޔާ ތަރިންނެވެ.

މިތަރިންނަށް ވުރެ އެތަށް ތަނެއް ހަގު އަންހެން ތަރިންނާއެކު ފިލްމްތަކުން މިތަރިން ފެނިގެންދާއިރު މީ އެންމެ ޑިމާންޑް ބޮޑު ތަރިންވެސް މެއެވެ.

މިހާ ހިސާބަށް އައި އިރު މިތަރިން ވަނީ ގިނަގުން އަޑިގުޑަންތަކާއި ކުރިމަތިލާފައެވެ. ބޮލީވުޑްގައި ފައިތިލަ ސާބިތު ކޮށްލުމަކީ ފަސޭހަ ކަމެއްވެސް ނުމެ ނޫންމެއެވެ. ކެރިއަކުގެ ކުރީކޮޅު ގިން ސްޓްރަގަލް ތަކަކާއި ހުރިހާ ތަރިންނަށްވެސް ކުރިމަތި ލާން ޖެހެއެވެ.

އެގޮތުންވެސް އެންމެ ހާއްސަވާނީ ފުރަތަމަ މުސާރައެވެ. މި ތިން ޚާނުން އެމީހުންގެ ފުރަތަމަ މުސާރަ ހޭދަކުރި ގޮތަށް ބަލައިލާނަމެވެ.

1. ޝާހްރުކް ޚާން

ބޮލީވުޑްގައި މިވަގުތު ހުރި އެންމެ އަގުބޮޑު އެއް އެކްޓަރަކީ ޝާހްރުކް ޚާނެވެ. ޚާނުންގެ ރަސްގެފާނުގެ ގޮތުގައި ގިނަ ބަޔަކު ބަލައިގަންނަ ޝާހްރުކް، އެންމެ ފުރަތަމަ އާމްދަނީ ލިބޭ ކަމަކަށް އަދާކުރި ވަޒީފާއަކީ މަޝްހޫރު ލަވަކިޔުންތެރިޔާ ޕަންކަޖް އުދާސްގެ ކޮންސެޓެއްގައި މީހުންނަށް ސީޓު ދައްކައިދޭ މީހާގެ ވަޒީފާއެވެ. އެ ވަޒީފާއިން ލިބުނު 50 ރުޕީސް އިން ޝާހްރުކް ގަތީ، ތާޖު މަހަލް ބަލައިލަން ދާން ޓިކެޓު ކަމަށް ބުނެއެވެ.

2. އާމިރު ޚާން 

އަބަދުވެސް ތަފާތު ރޯލުތަކުން ފެނިގެންދާ ކުޅަދާނަ އެކްޓަރު އާމިރު ޚާންގެ ފުރަތަމަ ވަޒީފާއިން އޭނާއަށް ލިބުނީ 1000 ރުޕީސް އެވެ. އަދި އެ ފައިސާ އޭނާ ދިނީ އޭނާގެ މަންމައަށް ކަމަށް ވެއެވެ.

3 ސަލްމާން ޙާން

ސަލްމާން ޚާނަކީ މިއަދު އިންޑިއާ ސިނަމާގައި އެންމެ ޑިމާންޑް ބޮޑުއެއް އެކްޓަރެވެ. އަދި އޭނާ ހިމެނެނީ އެންމެ ބޮޑު މުސާރައެއް ނަގާ ތަރިންގެ ތެރޭގައެވެ. ސަލްމާނަކީ އެކްޓް ކުރުމުގެ އިތުރުން ފިލްމް ޕްރޮޑިއުސް ކޮށް ރިއަލިޓީ ޝޯވ އަދި އެވޯޑް ޝޯވތައް ވެސް ހޯސްޓް ކުރާ ތަރިއެކެވެ. ސަލްމާނަށް ފުރަތަމަ މުސާރައެއްގެ ގޮތުގައި ލިބުނީ 75 ރުޕީސް އެވެ. ނަމަވެސް އެއީ އޭނާ ކުރި ކޮންމަސައްކަތަކުން ލިބުނު މުސާރައެއް ކަމެއް ނޭނގެއެވެ. އަދި އޭނާ ބުނެފައިވާ ގޮތުގައި އަލަތު ފިލްމް "މޭނޭ ޕިޔާރްކިޔާ" ކުޅެގެން އޭނާ އަށް 31،000 ރުޕީސް ލިބުނެވެ. ނަމަވެސް އެލާރިން ކުރީ ކީއްކަމެއް އޭނާ ހާމައެއް ނުކުރެއެވެ.