އިދިކޮޅު ކޯލިޝަނުން މިއަދު މާލޭގައި ކުރިއަށ ްގެންދާ "އިންޑިއާ އައުޓް" ހަރަކާތައް ޖާގަނުދީ، އެއްވި މީހުންގެ ތެރެއިން ބައެއް މީހުން ހައްޔަރުކޮށްފިއެވެ.
މައުލޫމާތު ލިބިފައިވާ ގޮތުގައި މިއަދު ހައްޔަރަށް ގެންދެވުނު މީހުންގެ ތެރޭގައި، މިހަރަކާތް ރޭވުމުގައި އިސްކޮށް ހަރަކާތްތެރިވާ، ހޯރަފުށީ ދާއިރާގެ މެމްބަރު މުހައްމަދު އިސްމާއިލާއި، މާލެ ސިޓީ ކައުންސިލްގެ ޕީޕީއެމްގެ ކައުންސިލަރު އައިފާނާއި، އަދިވެސް އިތުރު މީހެއް ހިމެނެއެވެ.
ފުލުހުންގެ ބާރުދަށަށް މީހުން ގެންދިއުމުގައި ގިނަ އަދަދެއްގެ ފުލުުހުން ދަނީ ހަރަކާތްތެރިވަމުންނެވެ. އަދި ފުލުހުން ދަނީ މަގުތަކަށް މީހުން ނިކުތުމަށް ޖާގަނުދީ ހުރަސް އަޅަމުންނެވެ. އަދި މަގުތަކަށް ނިކުތުމަށް މަސައްކަތް ކުރުމުން މީހުން ހައްޔަރުކުރާނެ ކަމަށް ފުލުހުން ދަނީ އިންޒާރު ދެމުންނެވެ.
Ex MP @Muhmed_Ismail unlawfully detained less than 24hr after he was arrested last night. His fault today, wearing a Red T-shirt. @PoliceMv don’t expect to silence ppl like this. #Indiamilitaryout @hrcmv @ibusolih @Reuters @AJEnglish @USAmbSLM @Meerasrini @trtworld @the_hindu pic.twitter.com/Hn0DF1RlCI
— Mohamed Saeed (@em_saeed) January 6, 2022
އިއްޔެ ކުރިއަށް ދިޔަ އިންޑިއާ އައުޓް ހަރަކާތުގައިވެސް މުހައްމަދު އިސްމާއިލްވަނީ ހައްޔަރުކޮށްފައެވެ. އަދި އޭނާއާއިއެކު 11 މީހަކު އިއްޔެވެސް ހައްޔަރު ކުރިއެވެ.
ރާއްޖޭގައި ތިބި އިންޑިއާ ސިފައިން ބޭރު ކޮށްލުމަށް ކުރިއަށް ގެންދާ "އިންޑިއާ އައުޓް" ހަރަކާތް ކުރީގެ ރައީސް އަބްދުﷲ ޔާމީން މިނިވަން ވުމާއި އެކީ އިތުރަށް ވަނީ ފުޅާ ކޮށްފައެވެ. އެގޮތުން މި ހަރަކާތް މާލޭގެ އިތުރުން ރާއްޖޭގެ ރަށްތަކުގައި ވެސް ވަނީ ކުރިއަށް ގެންގޮސްފައެވެ.
އިންޑިއާގެ އައުޓް ހަރަކާތުގައި ބައިވެރިވި ބައެއް މީހުން ހައްޔަރު ކޮށްފައިވާއިރު، މާދަމާވެސް މާލޭގައި އިންޑިއާ އައުޓްގެ ނަމުގައި ބޮޑު ހަރަކާތެއް ބޭއްވުމަށް ވަނީ ނިންމާފައެވެ.
