އަފްއާނިސްތާނުގެ އިންޓެލިޖެންސް އޭޖެންޓުންގެ ޓީމަކުން، 3000 ލިޓަރުގެ ރާ، ވެރިރަށްކާބުލްގެ ފެން ދައުރުވާ ގޮތަށް ހަދާފައި އޮންނަ ކެނަލަކަށް އޮއްސާލާފައި ވާކަމަށް އަފްއާނިސްތާންގެ ޖާސޫސީ އިދާރާއިން ހާމަ ކޮށްފިއެވެ.
ގިނަ އަދަދެއްގެ ރާ އަފްއާނިސްތާނުގައި ނައްތާލާފައި ވާއިރު، އެގައުމުގެ އާ ސަރުކާރުން ދަނީ، އަފްއާނިސްތާނުގައި ރާ ވިއްކުން ހުއްޓުމަކަށް ގެނައުމަށް ގިނަ މަސައްކަތްތަކެއް ކުރަމުންނެވެ.
އަފްއާނިތާނުގެ ތާލިބާން ސަރުކާރުގެ ޖެނެރަލް ޑިރެކްޓިރޭޓް އޮފް އިންޓެލިޖެންސް (GDI) އިން އާންމު ކޮށްފައިވާ ވީޑިއޯ ފޫޓޭޖުން ފެންނަ ގޮތުގައި އެ އޭޖެންސީގެ އޭޖެންޓުން ވަނީ، ވެރިރަށް ކާބުލްގައި ހިންގި ރެއިޑްތަކުގައި ހޯދާފައިވާ، ބޮޑެތި ފީފާތަކުގައި ރައްކާ ކޮށްފައިހުރި ރާ، ފެން ދައުރުވާ ގޮތަށް ހަދާފައިވާ ކެނަލަކަށް އޮއްސާލާފައެވެ.
"މުސްލިމުން ޖެހޭނީ، ރާ އުފެއްދުމާއި އަދި އެއްތަނުން އަނެއްތަނަށް ފޯރު ކޮށްދިނުމުންވެސް ދުރުހެލިވެ ތިބެން،" ޓުވިޓަރގައި ތާލިބާން ސަރުކާރުން އާންމު ކޮށްފައިވާ މި ވީޑިއޯގައި ދީނީ ޢިލްމުވެރިޔަކު ވާހަކަ ދައްކަވަމުން ވިދާޅުވެފައި ވެއެވެ.
د ا.ا.ا د استخباراتو لوی ریاست ځانګړې عملیاتي قطعې د یو لړ مؤثقو کشفي معلومات پر اساس د کابل ښار کارته چهار سیمه کې درې تنه شراب پلورونکي له شاوخوا درې زره لېتره شرابو/الکولو سره یو ځای ونیول.
نیول شوي شراب له منځه یوړل شول او شراب پلورونکي عدلي او قضايي ارګانونو ته وسپارل شول. pic.twitter.com/qD7D5ZIsuL— د استخباراتو لوی ریاست-GDI (@GDI1415) January 1, 2022
އަފްއާނިސްތާންގެ އިންޓެލިޖެންސް އޭޖެންސީން ނައްތާލާފައިވާ ރާ ނައްތާލާފައިވަނީ ކޮންއިރަކު ކަމެއް މިވީޑިއޯއިން އެގޭކަށް ނެތެވެ. އަދި، މިއީ ކޮންއިރަކު ހިންގި އޮޕަރޭޝަންނެއްގައި ހޯދާފައިވާ ރަލެއް ކަމެއްވެސް އިގޭކަށް ނެތެވެ. އެހެންނަމަވެސް އިންޓެލިޖެންސް އޭޖެންސީން ހާމަ ކޮށްފައިވަނީ، މި އޮޕަރޭޝަންތަކުގައި 3 ޑީލަރަކު ހައްޔަރު ކޮށްފައިވާ ކަމުގައެވެ.
ތާލިބާން ޖަމާއަތުން އަފްއާނިސްތާން އެޖަމާއަތުގެ ބާރުގެ ދަށަށް، ފާއިތުވެދިޔަ އަހަރުގެ އޮގްސްޓުމަހުގެ 15ވަނަ ދުވަހު ގެނައުމަށްފަހު، މަސްތުވާތަކެތި ބޭނުންކުރާ މީހުންނާއި އަދި ރަލުގެ ބާވަތްތައް ހޯދާ، މީހުން ހައްޔަރު ކުރުމަށް ހިންގާ އޮޕަރޭޝަންތައްވަނީ ވަރަށް ބޮޑަށް އިތުރު ކޮށްފައެވެ.
