ރާއްޖޭގައި އެންމެ ފުޅާ ދާއިރާއެއްގައި ސުޕަރމާކެޓް ވިޔަފާރި ހިންގަމުންއަންނަ ރެޑްވޭވުން 2022 ވަނައަހަރުގެ ރޯދަ ސޭލް އާއަހަރުގެ ފެށުމާއެކު ފަށައިފިއެވެ.
ރެޑްވޭވް ރޯދަސޭލް ދުރާލާ މިފަހަރު ފަށާފައި މިވަނީ ރާއްޖޭގެ އެކި ކަންކޮޅުތަކެއްގައި ތިބި ރެޑްވޭވް ގެ ކަސްޓަމަރުންގެ އެދުމަތިން ކަމުގައި ރެޑްވޭވް އިން މައުލޫމާތު އެގޮތުން މި ޕްރޮމޯޝަންގައި އެކި އެކި އައިޓަމްސްތަކުން ބޮޑެތި ޑިސްކައުންޓުތައް ދެވޭނެކަމަށް ރެޑްވޭވުން މަޢުލޫމާތު ދެއެވެ.
މިއަދުން ފެށިގެން ރަމަޟާން މަހުގެ ނިޔަލަށް ކުރިއަށްގެންދާ މި ސޭލްގައި، ރެޑްވޭވްގެ ކޮންމެ ފިހާރައަކުންވެސް ކުރައްވަވާ ހަމަ ކޮންމެ 500ރ ގެ ވިޔަފާރިއަކަށް ކޫޕަނެއް ލިބިގެންދާނެއެވެ. މި ޕްރޮމޯޝަންގައި އެންމެ ފާހަގަކޮށްލެވެނީ ނަސީބުވެރި ފަރާތްތަކަށް ކަނޑައެޅިފައިވާ ނަގުދު ފައިސާއިން ގިނަ ބަޔަކަށް ލިބިގެންދާ އިނާމުތަކެވެ. އެގޮތުން އެއްވަނައަށް ހޮވޭ ފަރާތަކަށް 100،000ރ ގެ ފައިސާގެ އިނާމު ލިބިގެންދާއިރު ، ނަސީބުވެރި އިތުރު 10 ފަރާތަކަށް 10،000ރގެ ފައިސާގެ އިނާމު ކަނޑައެޅިފައިވެއެވެ. އަދި މީގެ އިތުރުންވެސް ރެޑްވޭވް ބްރޭންޑް ތަކުން ގުރުއަތުން ހޮވާލެވޭ 5 ފަރާތަކަށް އަގުހުރި އެތައް އިނާމެއް ލިބިގެންދާނެއެވެ. އަދި ރޯދައަށް ބޭނުންވާ ކާބޯތަކެތީގެ އިތުރުން ހިފާގެންގުޅޭ ސާމާނު ނަންހުސްކޮށް މިޕްރޮމޯޝަންގެ ތެރޭންލިބިގެންދާނެއެވެ. ހަމަމިއާއި އެކު ސޯޝަލް މީޑިއާގައި ރޯދަ ސޭލްގެ ގިނަ ޕްރޮމޯޝަންތަކެއް ހިންގިގެން ދާނެކަމުގައި އެކުންފުނިން މައުލޫމާތުދެއެވެ.
ރާއްޖޭގެ ބާޒާރުގައި އެންމެ ކޮލިޓީ ރަނގަޅު މުދާ އެންމެ ހެޔޮއަގުގައި ވިއްކާ ރެޑްވޭވްއިން ކޮންމެ އަހަރަކުވެސް ރޯދަމަހާ ދިމާކޮށް ކުރިއަށް ގެންދާ މި ސޭލަކީ ކަސްޓަމަރުންގެ ތަރުހީބު ވަރަށް ބޮޑަށް ލިބިގެންދާ ޕްރޮމޯޝަނެއް ކަމަށް އެ ކުންފުނިން މަޢުލޫމާތުދެއެވެ.
