2022 ގެ އެންމެ އުންމީދީ އެއް ފިލްމު ކަމުގައިވާ "ލައިގާ"ގެ ކުރު ޓްރެއިލާ އާންމުކޮށްފިއެވެ.
ދަރްމާ ޕްރޮޑަކްޝަންގެ މި ފިލްމު ސިނަމާތަކުގައި ރިލީޒްކުރާނީ 25 އޮގަސްޓް 2022 ގައެވެ.
ސައުތުގެ ޒުވާން އެކްޓަރު ވިޖޭ ޑެވަރަކޮންޑާ ލީޑްރޯލް ކުޅެފައިވާ މި ފިލްމުގައި އޭނާ ފެނިގެންދަނީ ބޮކްސިން ތެޅުންތެރިއެއްގެ ރޯލުންނެވެ.
އާ އަހަރާއި ދިމާކޮށް ބެލުންތެރިންނަށް މި ފިލްމްގެ ކުރު ޓްރެއިލާއެއް ދޫކޮށްލާފައިވާއިރު މި ފިލްމަކީ ޕޫރީ ޖަގަންނާދު، ޗާރްމޭ ކޯރް އަދި ކަރަން ޖޯހަރް ގުޅިގެން ޕްރޮޑިއުސްކޮށްފައިވާ ފިލްމެކެވެ. ފިލްމުގެ ޑައިރެކްޓަރަކީވެސް ޕޫރީ ޖަގަންނާދެވެ.
Glimpse. That's it. #LigerFirstGlimpse#Ligerhttps://t.co/nJoyeDmZtu
— Vijay Deverakonda (@TheDeverakonda) December 31, 2021
މި ފިލްމް ގައި ވިޖޭ އާއި އެކު އަނަންނިޔާ ޕާންޑޭ އަދި ކުރީގެ މަޝްހޫރު ބޮކްސިން ޗެމްޕިއަން މައިކް ޓައިސަންވެސް ފެނިގެން ދާނެއެވެ.
ގިނަ ބަސްތަކަކުން ގެނެސްދޭ މި ފިލްމުގެ ކުރު ޓްރެއިލާއިން ފެނިގެންދާ ދަނީ މުމްބައިގެ މަގުތަކުގައި ސައިކައްކަން އުޅުނު މީހެއް ދުނިޔޭގެ ފެންވަރުގެ ބޮކްސިން ތެޅުންތެރިއަކަށްވެ ކާމިޔާބީތައް ހޯދާ މަންޒަރެވެ.
އެހެން ކަމުން މި ފިލްމުގައި ވިޖޭ ފެނިގެންދާނީ މީގެ ކުރިން ފެނިފައި ނުވާފަދަ ތަފާތު ގޮތަކަށް، ވަރުގަދަ ރޯލަކުންނެވެ.
