"ބިގް ބޮސް"ގެ 13 ވަނަ ސީޒަނުން ވިދާލީ ޕަންޖާބީ ލަވަކިޔުންތެރިޔާ އަދި އެކްޓަރ ޝެހެނާޒް ގިލް (ސަނާ)ގެ ބައްޕައަށް ގޮތްނޭގެ ބަޔަކު ބަޑީގެ ހަމަލާއެއް ދީފިއެވެ.
ޝެހެނާޒްގެ ބައްޕަ ސަންތޯޝް ސިންގް ސުކް މަރާލަން ހަމަލާ ދީފައިވަނީ ހޮނިހިރު ދުވަހު އަމްރިތުސަރްގައި އޮތް އިވެންޓެއް ނިންމާފައި ގެއަށް ދިޔަމަގުމަތީގައި ޑްރިއިވަރު ފާހާނާއަށް ދިޔުމަށް ކާރު ޕާކު ކޮށްފައި އޮއްވައެެވެ.
ގޮތް ނޭނގޭ ދެމީހަކު ބަޑިން ދިން ހަމަލާ އަކީ ވެރިކަންކުރާ ޕާޓީ، ބީޖޭޕީއަށް ސަންތޯޝް މީގެ ދުވަސްކޮޅެއް ކުރިން ސޮއިކޮށް ކުރިއަށް އޮތް އެސެމްބްލީ އިންތިހާބުގައި އެ ޕާޓީގެ ޓިކެޓްގައި ވާދަކުރަން ނިންމުމާ ގުޅިގެން އެކަމާ ހިތްހަމަނުޖެހޭ ބަޔަކު ދިން ހަމަލާއެއް ކަމަށް ބެލޭވޭ ކަމަށް މީޑީއާ ތަކުން ބުނެއެވެ. މި މައްސަލަ ފުލުހުންނަށް ވެސް ވަނީ ހުށަހަޅާފައެވެ.
މިދިޔަ ސެޕްޓެމްބަރު މަހު ހާޓްއެޓޭކެއް ޖެހިގެން ޝެހެނާޒްގެ ލޯބިވެރިޔާ އަދި އެކްޓަރ ސިދާތު ޝުކްލާ ވަނީ މަރުވެފައެވެ. އެހިތްދަތި ކަމުން އަދި އޭނާއަށް އަރައި ނުގަނެވި އުޅެނިކޮށް ބައްޕައަށް މަރުގެ ހަމަލާއެއް އަމާޒު ވުމުން އޭނާއަށް ވަރަށް ބޮޑަށް އަސަރު ކޮށްފައިވާ ކަމަށް ޚަބަރުތައް ބުނެއެވެ.
