"ދަންގަލް" އާއި "ޗިޗޯރޭ" ފަދަ ފިލްމުތައް ޑައިރެކްޓް ކޮށްފައިވާ ނިތޭޝް ތިވާރީގެ ފިލްމެއްގެ ލީޑަށް ވަރުން ދަވަން އާއި ޖާންވީ ކަޕޫރު ހަމަ ޖައްސައިފިއެވެ.
މި ފިލްމާއި ބެހޭގޮތުން މާގިނަ މައުލޫމާތެއް އަދި ހިއްސާ ނުކުރި ނަމަވެސް އަންނައަހަރުގެ މެދުތެރޭގައި ފިލްމުގެ ޝޫޓިންގ ފެށުމަށް ފިލްމު އުފައްދާ ޓީމުން އަންނަނީ މަސައްކަތް ކުރަމުންނެވެ. މިއީ މިދެތަރިން އެކުގައި ފެނަނާނެ ފުރަތަމަ ފިލްމެވެ.
ވަރުން އެންމެ ފަހުން ފެނިގެން ގޮސްފައިވަނީ މިދިއަ އަހަރު އެމެޒަން ޕްރައިމް ވީޑީއޯ އިން ރިލީޒްކުރި "ކޫލީ ނަންބަރު 1″ އެވެ.
ޖާންވީ އެންމެ ފަހުން ފެނިގެން ގޮސްފައިވަނީ ފިލްމް "ރޫހީ" އިން ރާޖްކުމާރް ރާއޯއާ އެކުގައެވެ.
