ނޮވެމްބަރު މަހުގެ 26 ގައި ރިލީޒް ކުރި، ނުޝްތަރު ބަރޫޗާ ގެ ބިރުވެރި ފިލްމް "ޗޯރީ" ގެ ދެވަނަ ބައެއް ހަދާނެ ކަމަށް ފިލްމުގެ ޑައިރެކްޓަރ ވިޝާލް ފޫރިއާ ބުނެފިއެވެ.
މި ފިލްމް އަކި މަރާޓީ ފިލްމް "ލަޕަޗަޕީ" އަސްލަކަށް ބަލައިގެން ހަދާފައިވާ ފިލްމެކެވެ. މި ދެ ފިލްމް ވެސް ޑައިރެކްޓް ކޮށްފައިވަނީ ވިޝާލެވެ.
ފްރެންޗައިޒެއްގެ ގޮތުގައި "ޗޯރީ" ގެނެސް ދިނުމަށް ނިންމާފައިވަނީ މި ފިލްމަށް ލިބުނު ތަރުހީބު ބޮޑުކަމުންނެވެ.
ފިލްމު ގައި ނުޝްރަތު ކުޅެފައިވަނީ މާބަނޑު އަންހެނެއްގެ ރޯލެެވެ. އޭނާގެ ނަމަކީ ފިލްމް ގައި "ސާކްޝީ" އެވެ.
ފިލްމް އެޅުވުމުގެ ކުރިން ވެސް ނުޝްރަތު ވަނީ މިއީ ބެލުންތެރިން އަންތަރީސް ކޮށްލާނެ ވަރުގެ ފިލްމެއް ކަމަށް ބުނެފައެވެ.
"ޕިޔާރު ކާ ޕަންޗްނާމާ" އާއި "ސޯނޫ ކޭ ޓިޓޫ ކީ ސްވީޓީ" ފަދަ ކާމިޔާބު ފިލްމުތައް ކުޅެފައިވާ ނުޝްރަތުގެ ކުރިއަށް ހުރި ފިލްމުތަކުގެ ތެރޭގައި އަކްޝޭ ކުމާރާ އެކު ފެންނާނެ ފިލްމު "ރާމް ސެތޫ" އާއި ސަނީ ކޯޝަލްއާ އެކު ފެނިގެންދާނެ ފިލްމު "ހުރުދަންގް" ހިމެނެއެވެ.
