ތަޢުލީމީ ކަރިކިއުލަމް ނިންމަނީ އެޑިއުކޭޝަން މިނިސްޓަރ ޑރ.އައިޝަތު އަލީކަމަށް ދެކުމަކީ ބޮޑު އޮޅުމެއްކަމަށް އެމްޑީޕީގެ ނާއިބު ރައީސް އަދި ރައީސް އޮފީހުގެ މިނިސްޓަރ މުޙައްމަދު ޝިފާޒް ވިދާޅުވެއްޖެއެވެ.
މިނިސްޓަރ ޝިފާޒް މިހެން ވިދާޅުވެފައިމިވަނީ، އިސްލާމާއި ގުރުއާން ފޮތްތަކުގައިވާ ގުރުއާނުގެ އާޔަތްތައް އުނިކުރައްވާ އާޔަތް ލިޔުއްވުމުގެ ބަދަލުގައި ގުރުއާނުގެ އާޔަތުގެ ނަންބަރު ލިޔުއްވާ ޚަތިމަށް ރިފަރެންސް ދޭ ގޮތަށް ހަމަޖެއްސުމަށް އެޑިއުކޭޝަން މިނިސްޓްރީން އެންގި އެންގުންމާއި ގުޅިގެން ގިނަ ބައެއްގެ ފާޑުކިޔުން ސަރުކާރަށް އަމާޒުވެފައިވަނިކޮށެވެ.
މިކަމާއި ގުޅިގެން ޝިފާޒް ވިދާޅުވީ އެއީ ކަނޑައެޅިގެން ފިތުނަކަމަާއި، ކަރިކިއުލަން ނިންމަނީ މިނިސްޓަރ އައިޝަތު އަލީ އެކަނި ކަމަށް ދެކުމަކީ ބޮޑު އޮޅުމެއްކަމަށެވެ.
Miee ka’ndaelhigen fithunaeh. Curriculum ninamanee Minister @aisthly enani kamah thekeynama thiee bodu olhumeh.
Islam foithakun Quran ge aayaithah unikuranee? https://t.co/ApVcIvK0jP
— Mohamed Shifaz???? (@mdpshippe) December 15, 2021
ޝިފާޒް މިހެން ވިދާޅުވެފައިވާއިރު، އިސްމާއި ޤުރުއާން ފޮތްތަކުގެ އާޔަތްތައް އުނިކުރަން އުޅުނީ، ޤުރުއާނަށްދޭ އަހައްމިއްޔަތުކަން ކުޑަކުރުމުގެ ނިޔަތެއްގައިނޫން ކަމަށްބުނެ، އާޔަތް އުނިކުރަން އެންގި އެންގުން އެޑިއުކޭޝަން މިނިސްޓްރީން ވަނީ ބަދަލުކޮށްފައެވެ. ގިނަ ބައެއްގެ ފާޑުުކިޔުމާއި ނުރުހުން މިކަމުގައި އަމާޒުވުމުން މިއަދު ހެދުނު އެޑިއުކޭޝަން މިނިސްޓްރީން ވަނި ބަޔާނެއްނެރެ އާޔަތްތައް އުނިކުރަން ނިންމި ނިންމުން ބާތިލްކޮށްފައިވާކަމަށް ބުނެފައެވެ.
އެޑިއުކޭޝަން މިނިސްޓްރީން މިއަދު ނެރުނު ބަޔާނެއްގައި ބުނީ އަލަށް ޗާޕްކޮށްގެން ނެރުނު ބައެއް ފޮތްތަކާއި ކުރީގެ ޗާޕްތަކުގައި ޤުރުއާނުގެ ބައެއް އާޔަތްތަކާއި ކަލިމަތައް ލިޔުމުގައި ކުށްހުރިކަން ފާހަގަކުރެވި، މިކަން ހައްލުކުރުމަށް ކުރެވުނު މަޝްވަރާތަކުގައި ޤުރުއާނުގެ އާޔަތްތައް ފޮތްތަކުގައި ލިޔުމުގެ ބަދަލުގައި ޚަތިމަށް ނުވަތަ އައްމާފޮތަށް ހަވާލާދިނުމަށް ރިފަރެންސް ދިނުމަށް މަޝްވަރާކުރެވި މިކަން ބަޔާންކޮށް އެންއައިއީއަށް ސިޓީއެއް ފޮނުވުނު ކަމަށެވެ.
މިގޮތަށް މަޝްވަރާ ކުރެވުނީ އެއްވެސް ހާލެއްގައި ދަރިވަރުން ޤުރުއާނަށް ދޭ އަހައްމިއްޔަތުކަން ކުޑަކުރުމުގެ ނިޔަތެއްގައި ނޫން ކަމަށާއި އެ ގޮތަށް މަޝްވަރާ ކުރެވުނީ ޤުރުއާން ލިޔާއިރު ޖެހޭ ކުށްތައް ތަކުރާރު ނުވާނެގޮތެއް ހެދުމަށާއި މި ފޮތްތައް ނައްތާލާއިރު ޤުރުއާންގެ އާޔަތްތަކަށް އިހާނެތިކޮށް ބައެއް ފަހަރު ޢަމަލުކުރެވޭކަމަށް ބައެއް ޢިލްމުވެރިން ވިދާޅުވާތީ ކަމަށް ބަޔާނުގައި ބުނެފައި ވެއެވެ.
ކޮމެންޓު ފޮނުވާ