އަރަބިއްޔާ ސްކޫލް ހިންގަމުން އަންނަ ޢިމާރާތުގައި ރެނދުލައި ބޮޑަށް ހަލާކުވަމުން ދާތީ އެ ސްކޫލްގައި ކިޔަވަމުންދާ ދަރިވަރުންނަށް ސްކޫލު އިމާރާތް ކުރުމަށް، ދާއިމީ ހައްލަކަށް، ހެންވޭރު ބްލޫހެވަން ހަމަޖެއްސުމަށް މާލެ ސިޓީ ކައުންސިލްގެ މޭޔަރު ޑރ.މުހައްމަދު މުއިއްޒު ސަރުކާރަށް ގޮވާލައިފިއެވެ.
ޢަރަބިއްޔާ ސްކޫލްގެ ޢިމާރާތުގައި ރެނދުލައިގެން ބެލެނިވެރިން އަންނަނީ ކުދިންގެ ރައްކާތެރިކަމާމެދު ސުވާލު އުފައްދާ ކަންބޮޑުވުން ފާޅުކުރަމުންނެވެ. މިގޮތުން ރޭ ޢަރަބިއްޔާގެ ބެލެނިވެރިން ވަނީ ބައްދަލުވުމެއް ބާއްވާފައެވެ. ޢަރަބިއްޔާގެ ބެލެނިވެރިން ރޭ ބޭއްވި ބައްދަލުވުމުގައި ހުރިހާ ބެލެނިވެރިން އިއްތިފާޤުވެފައިޗަބީ، ޝެއަރ ކުރާ ގޮތަށް ޢިއްޒުއްދީނުގެ އިމާރާތަށް ދަރިވަރުން ބަދަލުނުކުރުމަށެވެ. އެގޮތަށް ޝެއަރ ކުރުމުގެ ސަބަބުން ދަރިވަރުންގެ ކިޔެވުމާއި އުޅުމާއި އަޚްލާޤު އެއްކޮށް ހަލާކުވާނެ ކަމަށް ބެލެނިވެރިން ފާހަގަކުރެއެވެ.
އަރަބިއްޔާ ސްކޫލުގެ ހާލަތާއިމެދު ކަންބޮޑުވުން ފާޅު ކުރައްވައި މޭޔަރު މުއިއްޒު ކުރެއްވި ޓުވީޓުގައި ވިދާޅުވީ އަރަބިއްޔާ ސްކޫލުގެ ދަރިވަރުން ވަގުތީ ގޮތުން ނަމަވެސް ޢިއްޒުއްދީން ސްކޫލް ޝެއާ ކުރުމަކީ ޕްރެޓިކަން ކަމެއް ނޫންކަމަށެވެ. މިކަމަށް އޮތް ހައްލަކީ ހ.ބްލޫހެވަން ހަމަޖެއްސެވުން ކަމަށް މާލެ ސިޓީ ކައުންސިލްގެ މޭޔަރު ޑރ.މުއިއްޒު ވިދާޅުވިއެވެ.
ޢަރަބިއްޔާ ސްކޫލާއިމެދު ސަރުކާރުން ކަންތައްކުރަނީ ހިތާމަހުރި ގޮތަކަށް. ޢިއްޒުއްދީން ސްކޫލް ވަގުތީ ގޮތުން ވިޔަސް ޝެއަރކުރުމަކީ ޕްރެކްޓިކަލް ކަމެއްނޫން. ޢަރަބިއްޔާ ސްކޫލް ޢިމާރާތްކުރުމަށް ދާއިމީ ޙައްލެއްގެ ގޮތުގައި ހ.ބްލޫހެވަން ހަމަޖެއްސެވުމަކީ އެންމެ ރަނގަޅުގޮތް.
– މުއިއްޒު ވިދާޅުވިއެވެ.
އަރަބިއްޔާ ސްކޫލް ހިންގަމުން އަންނަ ޢިމާރާތުގައި ރެނދުލައި ބޮޑަށް ހަލާކުވަމުން ދާތީ އެ ޢިމާރާތުގެ އެސެސްމަންޓްތަކެއް ހެދުމަށް ބަޔަކާއި ހަވާލުކޮށްފައިވާކަމަށް އެޑިއުކޭޝަން މިނިސްޓްރީން ވަނީ ބުނެފައެވެ.
އެޑިއުކޭޝަން މިނިސްޓްރީން ބުނީ އަރަބިއްޔާ ސްކޫލް ޢިމާރާތުގެ ކަންކަން އެމިނިސްޓްރީން ވަރަށް ގާތުން މޮނިޓަރކުރަމުން އަންނަކަމަށެވެ. މައްސަލަ އެމިނިސްޓްރީގެ ސަމާލުކަމަށް އައުމާއި ގުޅިގެން އިންޖިނިއަރުން ލައްވާ ޢަރަބިއްޔާ ސްކޫލް ޢިމާރާތުގެ ވިޝުއަލް އިންސްޕެކްޝަނެއް ހަދާފައިވާނެކަމަށް މިނިސްޓްރީން ބުންޏެވެ.އިންސްޕެކްޝަން ރިޕޯޓުން ދައްކާގޮތުގައި ވަގުތުން ކުރަންޖެހޭ މަރާމާތުތައް އެނގޭނީ ސްޓްރަކްޗަރ އެސެސްމަންޓެއް ހަދައިގެންކަމަށާއި، އެކަމަށް 2 މަހެއްހާ ދުވަސް ނަގާނެކަމަށް މިނިސްޓްރީން ބުންޏެވެ. އަދި އެ މަސައްކަތް ބަޔަކާއި ހަވާލުކޮށްފައިވާކަމަށް މިނިސްޓްރީން ބުންޏެވެ.
4 Responses
މީނަ ހިތުން މި ރައީސުލް ޖުމްހޫރިއްޔާއެވެ. ހޮސްޕިޓަލާއި، ސްކޫލްތަކާއި އެއަރޕޯރޓްތަކޢަި ތަންތަން އަޅަންވީ ތަންތަން އެގޭނީ ސަރުކާރަށެވެ. މުނިސިޕަލްޓީއަކީ އާބާތުރަ ފިލުވާ، ސާފުތާހިރުކުރާ ތަނެވެ. ސަރުކާރަށް ގޮތް ކިޔައިދީ، ގައުމު ހިންގަން ތިބޭ ބަޔެއް ނޫނެވެ. ތިޔަ އުޅެނި ފެންވަރު އޮޅިގެންނެވެ. ހަމަ ބިމަށް ތިރިވާށެވެ. ތިހެން އުޅެނިކޮށް ކޮންމެސް ބަޔަކު މުނިސިޕަލްޓީގެ ރަޖިސްޓްރީ އުވާލަފާނެއެވެ.
ހ.ބުލޫޫހެވަން ދިޔަސް އިއްޒުއްދިީން ސުކޫލަށް ނަމަ ނަމަ ނާންނާތި.
verin hamamagah nealehyaa kohmeves bayaku jehea hadaankon deehamamagan eluveato bah haadhavarakasheadoti reesvee
މިހާރު ދެން ތިޔަ އުޅެނީ ޢަރަބިއްޔާ ކުދިންގެ އަޚުލާގަށް ޑިމޮކުރަސީއާއި ހިއުމަން ރައިޓުސް އިތުރަށް ގެންނަން.ރަނގަޅުވާނެ. ކުރިޔަށް ގެންދޭ.
* ކޮންމެހެން އަޚުލާގު މުހިއްމެއް ނޫން.