ޔުއެފާ ޗެމްޕިއަންސް ލީގުގެ ގްރޫޕް ސްޓޭޖުގެ ފަހު މެޗުގައި ރޭ އިޓަލީގެ އިންޓަރ މިލާން ބަލިކޮށް ރެއާލް މެޑްރިޑުން ގްރޫޕް ޑީ ގެ އެއްވަނަ މަގާމް ކަށަވަރުކޮށްފިއެވެ.
ރެއާލްގެ އަމިއްލަ ދަނޑުގައި ރޭ ކުޅުނު މެޗުގައި އިންޓަރ ގެ މައްޗަށް ރެއާލުން ކުރިހޯދީ 0-2 ގެ ނަތީޖާއަކުންނެވެ.
މި މެޗާއި ކުރިމަތިލީއިރު، ގްރޫޕް ޑީ އިން ދެވަނަ ބުރަށް ރެއާލް މެޑްރިޑާއެކު އިންޓަރ މިލާންވެސް އޮތީ ދަތުރުކޮށްފައެވެ. ރޭގެ މެޗުން ހަމައެކަނި ކަނޑައެޅިގެން ދިޔައީ ގްރޫޕްގެ 1 ވަނަ ޓީމާއި 2 ވަނަ ޓީމެއެވެ. މި މެޗުގައި ރެއާލުން ލަނޑު ޖަހާ ލީޑު ނެގީ މެޗުގެ 17 ވަނަ މިނެޓުގައެވެ. މި ލަނޑު އެޓީމަށް ކާމިޔާބުކޮށްދިނީ، ޓޯނީ ކްރޫސްއެވެ. މެޗުގެ ފުރަތަމަ ހާފް ނިމުނީ ކްރޫސް ކާމިޔާބުކޮށްދިން ލަނޑާއެކު ރެއާލް ކުރީގައި އޮވެގެންނެވެ.
މެޗުގެ ދެވަނަ ހާފް ފަށައިގެން ރެއާލުން ލީޑު ފުޅާކުރި ލަނޑު 79 ވަނަ މިނެޓުގައި އެޓީމަށް ކާމިޔާބުކޮށްދިނީ، މާކޯ އަސެންސިއޯއެވެ.
މި ނަތީޖާއާއެކު ރެއާލް މެޑްރިޑް ގްރޫޕް ޑީގެ އެއްވަނަ ޓީމުގެ ގޮތުގައި ގަދަ 16 އިން ޖާގައެއް ކަށަވަރުކުރީ 15 ޕޮއިންޓާއެކުއެވެ. ދެވަނައިގައި އޮތް އިންޓައަށް 10 ޕޮއިންޓް ލިބުނުއިރު، ތިންވަނައިގައި އޮތް ޝެރިފަށް ލިބިފައިވަނީ 7 ޕޮއިންޓެވެ. އަދި ފުލުގައި އޮތް ޝަޚްތާރު ޑޮނިއެސްކަށް ލިބުނީ 3 ޕޮއިންޓެވެ.
