ދިވެހި ދައުލަތުގެ ދަރަނި އެންމެ 3 އަހަރު ތެރޭ މިއޮތީ ދެ ގުނަ ވެފައި ކަމަށާއި، ކުރީ ސަރުކާރު ނިމިގެން ދިޔައިރު ރާއްޖޭގެ އިންފްލޭޝަން ހުންނާނީ 0.1- އިންސައްތާގައި ކަމަށްވިދާޅު މިސަރުކާރު އިގްތިސާދީ ސިޔާސަތުތަކަށް ކުރީގެ ރައީސް ޔާމިން ވަރަށް ބޮޑަށް ފާޑު ވިދާޅު ވެއްޖެއެވެ.
ސުޕްރީމް ކޯޓުން ކުރި ހުކުމަށްފަހު، ޖަލު ހުކުމުން މިނިވަންވެ، ޕީޕީއެމްއިން ބޭއްވި ފުރަތަމަ ޖަލްސާގައި ރައީސް ޔާމިން ވިދާޅުވީ، މިއަދުވެސް ރާއްޖޭގެ އިންފްލޭޝަން ހުރީ ނިސްބަތުން އަދިވެސް ދަށުގައި ކަމަށެވެ. އެންނަމަވެސް، މިހާރި ފޯކާސްޓު ކުރެވޭ ގޮތުގައި 2022 ވަނަ އަހަރާ ހަމައަށް ދާއިރު، އިންފްލޭޝަން ހުންނާނީ 1.1 އިންސައްތައިގެ ކަމަށެވެ. މާނައަކީ، މަތިވެގެން މިދިޔައީ ކުރީ ސަރުކާރުގަ އިންފްލޭޝަން ހުރި މިންވަރުގެ 10 ގުނަ ކަމަށާއި، އެހެންނަމަވެސް، ތަރުކާރީ ކިލޯއެއް ބާޒަރުން ގަންނަން ދާއިރު ވީލް ބަރޯއެއްގެ ފައިސާ ހިފައިގެން ދާޖެހޭ ހާލަތަށް ގޮސްގެން ނުވާނެ ކަމުގައެވެ.
ރައީސް ޔާމިން ވިދާޅުވީ، ނިސްބަތިން އިމްފްލޭޝަނަށް އައިސްފައިވާ ބަދަލުގެ ނަތީޖާއެއްގެ ގޮތުން، މުދަލުގެ އަގު މައްޗަށް ދާނެ ކަމަށާއި، ގެދޮރުގެ ރެންޓުވެސް މައްޗަށް ދާނެ ކަމަށެވެ.
ދެން ރެންޓު މައްޗަށް ދާތީ ކީކޭތޯ މި ވިދާޅުވަނީ، ހުރިހާ ރެންޓެއް ތިމަންނަމެން ކޮންޓްރޯލް ކުރާނަމޭ. އިގްތިސާދީ ކަންތަކެއް ގާނޫނަކުން ކޮންޓްރޯލެއް ނުކުރެވޭނެ.
ރައީސް ޔާމިން ވިދާޅުވިއެވެ.
ރައީސް ޔާމިން ވިދާޅުވި ގޮތުގައި ބައެއް ބޭހުގެ އަގަކީ ޒަމާނުއްސުރެ ކޮންޓްރޯލް ކޮށްފައި އޮންނަ އެއްޗެއް ކަމަށާއި، ހަމަ އެބީދައިން ކާޑުގެ އަގަކީވެސް ކޮންޓްރޯލް ކޮށްފައި އޮންނަ އެއްޗެއް ކަމަށެވެ. އެހެންނަމަވެސް އެ އަގުތަށް ތަންފީޒު ކުރެވުނުތޯ ރައީސް ޔާމިންވަނީ ސުވާލު އުފައްދަވާފައެވެ.
މިގޮތޮތުން ރެންޓް ކޮންޓްރޯލް ކުރަން މަސައްކަތް ކޮށްފިނަމަ ދެން ނުކުމެގެން ދާނެ ނަތީޖާއަކީ، ގެދޮރު ކުއްޔަށް ދޭއިރު، ކުލި ޑޮލަރުން ކިޔަން ފެށުންކަމުގައިވެސް މިޖަލްސާގައި މި ސަރުކާރުގެ އިގްތިސާދީ ސިޔާސަތަށް ވަރަށް ބޮޑަށް ފާޑު ވިދާޅުވަމުން ރައީސް ޔާމިން ވިދާޅުވެފައި ވެއެވެ.
ރައީސް ޔާމިން ވިދާޅުވި ގޮތުގައި އެމަނިކްފާނުގެ ސަރުކާރުގެ 5 އަހަރު ނިމިގެން ދިޔައިރު ދައުލަތުގެ ދަރަނީގެ އެންމެ ބޮޑު ބުރައެއް އުފުލަން ޖެހުނީ، ޖީއެމްއާރު ރާއްޖެއިން ބޭރުކުރުށްޓަކާ ނަގަން ޖެހުނު ލޯނަށް ކަމަށެވެ. މިގޮތުން އެ ލޯނުވެސް ހިމެނޭނީ އެ ދަރަނީގެ ތެރޭގައި ކަމަށް ވިދާޅުވަމުން ރައީސް ޔާމިން ވިދާޅުވީ، ހިންގުނު ހުރިހާ ތަރައްގީގެ މަޝްރޫއުތަކާ އެކީ މުޅި ދަރަނި ހުންނާނީ 48 ބިލިއަން ރުފިޔާގައި ކަމަށެވެ.
މިއަދު 3 އަހަރުގެ ދަރަނި، ނަޔާ ހިތްވަފަސޭ ދަތުރު ނާމާއެއް ނިންމާލާއިރު ދަރަނި ކިހާވަރެއްތޯ؟ ގާތް ގަޑަކަށް މީގެ ދެގުނަ. ހަތްދިޔަ ނުވައެއް ޕޮއިންޓް ކޮންމެވެސް އެއްޗެއް މިހާރުވެސް އަރައިފި
ރައީސް ޔާމިން ވިދާޅުވިއެވެ.
ރައީސް ޔާމިން ވިދާޅުވީ މިއަންނަ އަހަރުން ފެށިގެން މަސްވެރިންގެ ޖީބުތައް ޑޮލަރުން ފުރަނާނެ ކަމަށް މިއަދު ބުނި ނަމަވެސް، ދިވެހި މަސްވެރިން ގުބޯ ހެއްދޭނީ ކިހާ ދުވަހެއްތޯ މިއަދު ސުވާލު ކޮށްލަން ޖެހޭކަމަށެވެ.
މިޖަލްސާގައި ވާހަކަ ދައްކަވަމުން ރައީސް ޔާވިދާޅުވީ ސިނަމާލެ ބުރިޖެ އެޅުމަށް ލޯނެއްގެ ގޮތުގައި ނަގާފަ އޮންނާނީ އެންމެ 78 މިލިއަން ޑޮލަރު ކަމަށާއި، ދެން އޮތްބަޔަކީ ވަރަށް ދިގުމުއްދަތަށް ލުއި ގޮތަކަށް އޮތް މާލީ ޒިންމާތަކެއް ކަމުގައެވެ.
