ޖެންޑަރ މިނިސްޓްރީން މިއަދު ވަކިކުރި 21 މުވައްޒަފުން އެހެން އޮފީސްތަކަށް ބަދަލުކުރުމަކީ އެންމެ އިންސާފުވެރިގޮތްކަމަށް ދެކެވަޑައިގަންނަވާކަމަށް މާލޭގެ މޭޔަރު ޑރ.މުޙައްމަދު މުޢިއްޒު ވިދާޅުވެއްޖެއެވެ.
މޭޔަރު މުޢިއްޒު މިހެން ވިދާޅުވީ، ޖެންޑާ މިނިސްޓްރީގެ 21 ސިވިލްސާވިސް މުވައްޒިފަކު ވަޒީފާއިން ކުއްލިއަކަށް ވަކިކުރުމާއި ގުޅިގެން، އެ މުވައްޒަފުންނާ ސިޓީކައުންސިލްގައި ބައްދަލުކުރެއްވުމަށްފަހު ކުރެއްވި ޓްވީޓެއްގައެވެ.
މުޢިއްޒު ވިދާޅުވީ ޒިޔާސަތަށް އައި ބަދަލެއްގެ ސަބަބުން ވިލިމާލޭގައި މަސައްކަތްކުރާ ޖެންޑަރ މިނިސްޓްރީގެ 21 މުވައްޒަފަކު މަގުމަތިވާނޭގޮތަށް ކަންތައްކޮށްފައިވާކަމަކީ ވަރަށް ހިތާމަހުރިކަމެއްކަމަށެވެ. އެ މުވައްޒަފުން މަގުމަތިވިޔަ ނުދީ އެހެން އޮފީސްތަކަށް ބަދަލުކޮށްދިނުމަކީ އެންމެ އިންސާފުވެރިކޮށްކަމަށް ދެކެވަޑައިގަންނަވާކަމަށްވެސް މޭޔަރު މުޢިއްޒު ވިދާޅުވިއެވެ.
Siyaasathah ai badhalegge sababun Vilimale gai masakkai kuraa Gender ministry ge 21 muvazzafaku magumathivaaney gothah kanthah kohffaivaa kamee varah hithaamahuri kameh.E muvazzafun magumathiviya nudhevvaa ehen office thakah badhalukohdhevvumakee emme insaafuverigoikamugai dheken https://t.co/AEQImyTQva
— Dr Mohamed Muizzu (@MMuizzu) December 1, 2021
ޖެންޑަރ މިނިސްޓީން މިއަދު ވަކިކުރި 21 މުވައްޒިފުންނަކީ ވިލިމާލޭ ކުޑަކުދިންގެ ހިޔާގައި މަސައްކަތް ކުރަމުންދާ މުވައްޒިފުންނެވެ. ހިޔާގައި ތިބި ކުދިން ހުސްކުރުމަށްފަހު އެތަނުގައި މަސައްކަތް ކުރި 71 މުވައްޒަފުންނަށް މިދިޔަ ޑިސެމްބަރު މަހުގައި ނޯޓިސް ދީފައިވާކަމަށް މައުލޫމާތު ލިބެއެވެ.
ބައެއް މުވައްޒިފުން މިހާރުވެސް ޖެންޑާގެ އެކި ވަޒީފާތަކުގައި ދަނީ ހަރަކާތްތެރިވަމުންނެވެ. މިއަދު ވަޒީފާއިން ވަކިކުރި 21 މުވައްޒަފުންނަކީ ސިވިލްސާވިސްއުން ނިންމުނިމެއް ކަމަށް ޖެންޑާ މިނިސްޓްރީން ވަނީ ބުނެފައެވެ.
އެ މުވައްޒަފުން ވަކިކުރީ ހިޔާގައި ތިބި ކުދިން އަތޮޅު ތެރޭގައި ގާއިމުކޮށްފައިވާ އަމާން ވެއްޓަށް ބަދަލު ކުރުމުން، ހިޔާގައި ކުދިން ބަލަހައްޓަން ގިނަ މުވައްޒަފުން ބޭނުންނުވާތީ ކަމަށް މައުލޫމާތު ލިބިފައިވެއެވެ. ކުއްލި ގޮތަކަށް މުވައްޒިފުން ވަކި ކުރުމާއި ގުޅިގެން އެމުވައްޒިފުންގެ ހައްގު ހޯދުމަށް ސަރުކާރުގެ ކަމާއިބެހޭ އިދާރާތަކަށް ދިއުމަށް މަސައްކަތް ކުރަމުންދާކަމަށް ވަނީ މައުލޫމާތު ލިބިފައެވެ.
