އަންނަ އަހަރު ޤަތަރުގައި ބޭއްވުމަށް ހަމަޖެހިފައިވާ ފީފާ ވާރލްޑް ކަޕުން އެންމެފަހުގެ ޔޫރަޕްގެ ޗެމްޕިއަން އިޓަލީވިލާތް ނުވަތަ ޕޯޗުގަލް ނުފެންނާނެކަން ޔަގީންވެއްޖެއެވެ.
މިކަން ޔަގީން ވެގެން މިދިޔައީ ޔޫރަޕް ސަރަހައްދުން ވާރލްޑް ކަޕްގައި ވާދަކުރާ ޓީމްތަކުގެ ތެރެއިން ޕްލޭ އޮފް ކުޅެގެން ދަތުރު ކުރާ ޓީމުތަކުގެ މެދުގައި ނެގި ގުރުއަތުލުމުގައި އިޓަލީވިލާތާއި ޕޯޗުގަލް ވާދަކުރައް ޖެހުމުންނެވެ.
މިގޮތުން މިފަހަރުގެ ޕްލޭ އޮފް ކުޅެގެން ޔޫރަޕް ސަރަހައްދުން ކޮލިފައިވާގޮތަށް އޮތީ ތިން ޓީމެވެ. އަދި މިތިން ޓީމު ހޮވުމަށް ޕްލޭ އޮފް ކުޅޭ 12 ޓީމް ގެ މެދުގައި އެއް ލެގުގެ ސެމީފައިނަލް މެޗެއް ކުޅުމަށްފަހު ފައިނަލްގައި އެލެގްތަކުން މޮޅުވާ ޓީމް ތަކެއް ވާދަކޮށް ތިން ޓީމް ހޮވޭގޮތަށެވެ. މިގޮތުން ސެމީފައިނަލްގައި އިޓަލީވިލާތް ނޯތު މެސެޑޯނިއާ އާއި އަމިއްލަ ޤައުމުގައި ކުޅޭ އިރު ޕޯޗުގަލް ސެމީފައިނަލްގައި އަމިއްލަ ޤައުމުގައި ވާދަކުރާނީ ތުރުކީވިލާތެވެ. އަދި މިދެ މެޗުން މޮޅުވާ ޓީމެއް ބައްދަލުކުރާނީ ފައިނަލްގައެވެ. އެހެން ކަމުން އިޓަލީވިލާތް ނުވަތަ ޕޯޗުގަލް ނުފެންނާނެކަން މިވަނީ ޔަގީންވެގެން ގޮސްފައެވެ.
ގުރުއަތުލުމުގައި ދެން ހުރި މެޗްތަކަށް ބަލާލާއިރު ސްކޮޓްލަންޑާއި ޔޫކްރެއިން ސެމީ ފައިނަލްގެ އެއް މެޗްގައި ވާދަކުރާއިރު ވޭލްސް އާއި އޮސްޓްރިއާ ވާދަކުރުމަށް ހަމަޖެހިފައިވަނީ ދެވަނަ ސެމީފައިނަލްގައެވެ. އަދި ފައިނަލްގައި ބައްދަލުކުރާނީ މިދެންނެވި ދެމެޗުން މޮޅުވާ ދެޓީމެވެ.
އަދި ފަހު ބަޔަށް ބަލާލާއިރު ހިމެނެނީ ރަޝިޔާ އާއި ޕޯލަންޑް ބައްދަލުކުރާ ސެމީފައިނަލް އެމެޗާއި ސްވިޑްނާއި ޗެކް ރިޕަބްލިކް ބައްދަލުކުރާ ސެމީފައިނަލް މެޗު. އަދި ފައިނަލް ބައްދަލުކުރާނީ އެދެމެޗުން މޮޅުވާ ދެޓީމެވެ. މިހުރިހާ މެޗެއް ކުޅުމަށް ހަމަޖެހިފައިވަނީ މިއަންނަ އަހަރުގެ މާރޗް މަހުގެ 24 އިން 29 އަށް ދެމެދުގައެވެ
