އާންމު ރައްޔިތުންނަށް އެކަނި ނިންމޭނެ ނިންމުމެއްނަމަ، މިއަދު މިނިސްޓަރ އަސްލަމަށް ހައުސިން އެންޑް ޕްލޭނިން މިނިސްޓަރުގެ މަޤާމުގައި ނުބަހައްޓައި، އޮފީހުން ނެރެ ބޭރުކުރީސް ކަމުގައި ބޯހިޔާވަހިކަމުގެ ދިފާއުގައި މަސައްކަތް ކުރާ "ކޮތަރުކޮށި" ޖަމްއިއްޔާއިން ބުނެފިއެވެ.

އެޖަމްއިއްޔާއިން މިހެން ބުނެފައިވަނީ އެމަނިކުފާނަށް އެކަނި ނިންމޭ ނިންމުމެއްނަމަ ހިޔާ ފްލެޓްތައް ތަޅާލީސްކަމަށް ހައުސިން އެންޑް ޕްލޭނިން މިނިސްޓަރ މުޙައްމަދު އަސްލަމް ވިދާޅުވެ ދެއްކެވި ވާހަތަކާއި ގުޅިގެންނެވެ. އަސްލަމްގެ މިވާހަތަކާއި ގުޅިގެން ވަރަށް ގިނަ އާންމު ރައްޔިތުން ވަނީ އަސްލަމަށް ވަރަށް ބޮޑަށް ފާޑުވިދާޅުވެ، ފުރަތަމަ ވެފައިވާ ވައުދުތައް ފުއްދައި، ބޯހިޔާވާނެ ތަނެއް ދެއްކުމަށްފަހު އެފަދަ ވާހަކަ ދެއްކުމަށް ގޮވާލާފައެވެ.

އާއްމުންގެ އެކުވެރި ގުޅުމުން ބުނެފައިވަނީ އާންމުންނަށް އެކަނި ނިންމޭނެ ކަމެއްނަަމަ 30،000 ރައްޔިތުންގެ ހައްގުގައި އަސްލަމް ތަޅާ ރައްޔިތުންގެ އޮފީހުން ބޭރުކޮށް އުކާލީސްކަން ކަށަވަރުކަމަށެވެ.

އާންމުންގެ ބައިތުލްމާލުން ލާރިކައިގެން، އާންމުންގެ އޮފީހެއްގައި ހުރެ، ރިއަލްއެސްޓޭޓު ވިޔަފާރިވެރިންގެ ކަސްބީ އަކަށް ވެގެން ހައުސިން ވުޒާރާ ރިއަލް އެސްޓޭޓު ވިޔަފާރިވެރިންގެ ނާސިގެއަކަށް ހަދައިގެން، ކޮޅަށާއި އަރިއަރިއަށް އަދި ގުދަށް ހުރެ އެވިޔަފާރިވެރިންގެ ހައުސިން އަދި ކުލީގެ ވިޔަފާރި ހިމާޔަތް ކުރުމަށް، އާންމުންގެ ކަރަށް ފައިން އަރައި، އާންމުންގެ ލޭބޮމުން، އާންމުންގެ ގެތަށް ތަޅާ ވާހަކަ ދައްކަމުންދާ ވަޒީރު އަސްލަމް އެމަގާމުން ބޭރުކޮށް ހައުސިން މިނިސްޓްރީ ދޮވެ ސާފުކޮށް، އެތަނަށް ރައްޔިތުންނަށް ހިދުމަތް ކުރާނެ މީހަކު ލުމަށް ރައީސުލްޖުމްހޫރިއްޔާ އިބްރާހިމް މުހައްމަދު ޞާލިހަށް އަޅުގަނޑުމެން ގޮވާލަމެވެ.

– އާއްމުންގެ އެކުވެރި ގުޅުމުން ކުރި ޓުވީޓުގައި ބުނެފައިވެއެވެ.

އާންމުންނަށް އެކަނި ނިންމޭނެ ކަމެއްނަަމަ 30،000 ރައްޔިތުންގެ ހައްގުގައި އަސްލަމް ތަޅާ ރައްޔިތުންގެ އޮފީހުން ބޭރުކޮށް އުކާާލީސްކަން ކަށަވަރެވެ.

އާންމުންގެ ބައިތުލްމާލުން ލާރިކައިގެން، އާންމުންގެ އޮފީހެއްގައި ހުރެ،ރިއަލްއެސްޓޭޓު ވިޔަފާރިވެރިންގެ ކަސްބީ އަކަށް pic.twitter.com/Ai14NgYZHp

— Commoners Friendship Association ( ކޮތަރު ކޮށި ) (@AEG_Mv) November 23, 2021

ރައްޔިތުންގެ މަޖިލީހުގެ މިއަދުގެ ޖަލްސާގައި ނައިފަރު ދާއިރާގެ މެންބަރު އަޙްމަދު ޝިޔާމް ވަނީ ރައީސް ޔާމީން ސަރުކާރުގެ ހިޔާ މަޝްރޫޢުގެ އެއްކޮޓަރީގެ އެޕާޓްމަންޓްތައް ފެނިއްޖެތޯއެވެ.

އެ ސުވާލުގެ ޖަވާބު ދެއްވަމުން ހިތްޕުޅު ހަމަނުޖެހުމާއެކު މިނިސްޓަރ އަސްލަމް ވިދާޅުވީ، ހިޔާ ފްލެޓްތަކަކީ މުޅި އައްޑޫ ސިޓީގެ އާބާދީއާއި އެއްވަރުގެ އާބާދީއެއް އެއްތަންކޮޅަށް ޖަމާކުރުވަން ހިންގާފައިވާ މަޝްރޫޢުއެއްކަމަށެވެ. އެއީ ކުރަން ހެޔޮވާވަރުގެ ކަމެއް ނޫންކަމަށާއި، އެތަނަކީ ކޮތަރުކޮއްޓެއްހާ ކުޑަ ތަންކޮޅެއްކަމަށް ވިދާޅުވުމުން އެމަނިކުފާނަށް ހެއްދެވި ނުހެއްދެވިއަށް ބައެއް ފަރާތްތަކުން ގޮވާފައިވާކަމަށް މިނިސްޓަރ ވިދާޅުވިއެވެ.

އެއާއެކު އެ ކޮތަރުކޮށިތައްވެސް މީހުން ދިރިއުޅެން ދޭން ގޮވާުމުން އެތަން މިހާރު އެހުރީ ދޫކޮށްފައިކަމަށާއި، އެއާއެކު އެތައް މައްސަލައެއް އެތަނުން ކުރިމަތިވެފައިވާކަމަށެވެ. އެގޮތުން މަސްތުވާ ތަކެތީގެ މައްސަލަތަކާއި އެނޫންވެސް މައްސަލަތައް އުފެދިފައިވާކަން ފާހަގަކުރައްވާ އަސްލަމް ވިދާޅުވީ،ދެން އިތުރަށް ކުރެވޭނެކަމެއްނެތްކަމަށާއި، ދެން އޮތީ އެތަން ބެލެހެއްޓުންކަމަށެވެ. އަދި އެފަދަ މައްސަލަތަކުގައި ފިޔަވޅު އެޅުންކަމަށްވެސް މިނިސްޓަރ އަސްލަމް ވިދާޅުވިއެވެ.

7000 ފްލެޓްގެ 16 ޓަވަރު ރައީސް ޔާމިންގެ ސަރުކާރުން އިމާރާތް ކޮށްފައިވަނީ، 30،000 އަށްވުރެ ގިނަ އާއިލާއަށް ބޯހިޔާވަހިކަން ހޯދާދީ، މާލެއާއި ރާއްޖޭގެ އެކި ރަށްތަކަށް ކުރިމަތިވެފައިވާ ބޯހިޔާވަހި ކަމުގެ މައްސަލައަށް އެކަށީގެންވާ މިންވަރުގެ ހައްލެއް ހޯދާދިނުމަށެވެ.

ހިޔާ ފްލެޓްތަކުގައި މިހާރު މީހުން އާބާދުވާން ވަނީ ފަށާފައެވެ. އަދި ހިޔާ ފްލެޓާއެކު ދިރިއުޅުމަށް ބަދަލުތަކެއް އައިސްފައިވާކަމަށްވެސް އެ އާއިލާތަކުން ބުނެފައިވެއެވެ. ހިޔާ ފްލެޓް ސަރުކާރުން ެ ފެލްޓް ލިބުނު މީހުންނާއި ހަވާލުކޮށްފައިވާއިރު، އެތަން ދިނީ ފިނިޝިންގެ މަސައްކަތް ނުނިންމާކަމުން އެތައް ބައެއްގެ ފާޑުކިޔުން އަމާޒުވެފައިވެއެވެ.