ސާރާ އަލީ ޚާނާއި އަކްޝޭ ކުމާރު އަދި ދަނޫޝްގެ ކުރިއަށް އޮތް ފިލްމް "އަތުރަންގީ ރޭ"ގައި ސާރާ ފެނިގެންދާގޮތް ދައްކާލައިފިއެވެ.
މިދިއަ އަހަރު އޮކްޓޯބަރުގައި ފަށައިގެން ޝޫޓިންގ ނިންމާލާފައިވާ މި ފިލްމު ޑައިރެކްޓް ކޮށްފައިވަނީ އާނަންދު އެލް ރާއީއެވެ.
އަކްޝޭ ކުމާރު ވަނީ އޭނާގެ އިންސްޓަގްރާމްގައި ސާރާ އެ ފިލްމުން ފެނިގެން ދާނެ ގޮތުގެ ވީޑިއޯ ކޮޅެއް ހިއްސާކޮށްފައެވެ.
ހަމަ އެއާއެކު އަކްޝޭ ވަނީ ދަނޫޝް އާއި އަކްޝޭވެސް ފިލްމުން ފެނިގެންދާ ގޮތުގެ ކުރު ވީޑީއޯ ކޮޅެއް އިންސްޓަގްރާމް މެދުވެރިކޮށް ހިއްސާ ކޮށްފައެވެ. އަންނަ ޑިސެމްބަރު މަހު 24 ވަނަ ދުވަހު އޮންލައިން ޕްލެޓްފޯމް ޑިޒްނީ ޕްލަސް ހޮޓްސްޓަރ ގައި ރިލީޒް ކުރުމަށް ނިންމާފައިވާ މި ފިލްމުގެ ޓްރޭލަރ ވެސް މިހާރު ވަނީ އާންމުކޮށްފައެވެ.
"އަތުރަންގީ ރޭ" އަކީ ވަރުގަދަ ލޯބީ ވަރަށް ތަފާތު ކަންތައްތަކެއް ހެއްވާ މަޖާކޮށް ގެނެސްދޭ ރޮމް-ކޮމް ފިލްމެކެވެ.
ކޮމެންޓު ފޮނުވާ