މަސައްކަތުގެ މާހައުލުގައި ދިމާވެދާނެ ސިއްހީ ކުއްލި ހާލަތްތަކަށް މުވައްޒަފުން އަހުލުވެރިވެ، ތައްޔާރުވެ ތިބުމަށް ބޭސިކް ފަސްޓް އެއިޑް ޓްރެއިނިންގ ޕްރޮގްރާމެއް ސްޓެލްކޯއިން ހިނގައިފިއެވެ. މިއީ މިފަދަ ސްޓެލްކޯ އިން މިއަހަރު ހިންގި ތިންވަނަ ޕްރޮގްރާމެވެ.
ސްތެލްކޯއިން ބުނީ މަސައްކަތުގެ މާހައުލުގައި ދިމާވެދާނެ ސިއްހީ ކުއްލި ހާލަތްތަކަށް މުވައްޒަފުން އަހުލުވެރިވެ، ތައްޔާރުވެ ތިބުމަށް އުނގަންނައި ދިނުމުގެ ގޮތުން މޯލްޑިވްސް ރެޑްކްރޮސެންޓައި އެކުންފުނި ގުޅިގެން މުވައްޒަފުންނަށް ބޭސިކް ފަސްޓް އެއިޑް ޓްރެއިނިންގ ޕްރޮގްރާމެއް ހިންގާފައިވާކަމަށެވެ. ވަޒީފާގެ މާހައުލުގައި، މުވައްޒަފުންގެ ސަލާމަތާއި ރައްކާތެރިކަން ކަށަވަރުކުރުމަކީ އެކުންފުނިން އަބަދުވެސް އަހައްމިއްޔަތުކަން ދޭކަމެއްކަމަށް ސްޓެލްކޯއިން ބުންޏެވެ.
މިއީ މިއަހަރު ހިންގުނު މިފަދަ 3 ވަނަ ޕްރޮގްރާމް. ވަޒީފާގެ މާހައުލުގައި، މުވައްޒަފުންގެ ސަލާމަތާއި ރައްކާތެރިކަން ކަށަވަރުކުރުމަކީ މިކުންފުނިން އަބަދުވެސް އަހައްމިއްޔަތުކަން ދޭކަމެއް.
— STELCO (@STELCOMALDIVES) November 20, 2021
ސްތެލްކޯއިން އަންނަނީ އެންމެ ފަހުގެ ޓެކްނޮލޮޖީއަށް ވާސިލްވަމުންނެވެ. އެގޮތުން އެންމެ ފަހުގެ ޓެކްނޮލޮޖީއާއެކު މުވައްޒަފުންނަށް ފަހި ރައްކާތެރި މާހައުލެއް ޤާއިމްކުރުމަށް އެ ކުންފުނިން ގިނަ މަސައްކަތްތަކެއް ކުރަމުންދެއެވެ.
ސަރުކާރުގެ އަސާސީ ޚިދުމަތްތައް ފޯރުކޮށްދޭ މުހިންމު ކުންފުނިތައް، އިދަނުޖެހި، އަދި ދިވެހި މުވައްޒިފުންގެ ފުރިހަމަ ހިއްސާއާއެކު ހިންގުމަކީ މިސަރުކާރުގެވެސް ވަރަށް މުހިންމު އަމާޒެކެވެ. މިއަމާޒަށް ވާސިލް، އާންމު ރައްޔިތުންނަށް ކަރަންޓު ފޯރުކޮށްދިނުންފަދަ މުހިންމު މަސައްކަތެއް ކާމިޔާބު ކަމާއެކު ހިންގުން ވެގެންދާނީ، ރާއްޖޭގެ އެންމެ އާބާދީ ބޮޑު ސަރަހައްދު ކަމުގައިވާ، މާލެ، ހުޅުމާލެ އަދި ވިލިމާލޭގައި ދިއިއުޅެމުންދާ އެތައްހާސް ރައްޔިތުންނަށް ލިބިގެންދާނެ ވަރަށް ހިންހަމަޖެހުމެކެވެ.
