ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙްގެ ވެރިކަމުގެ 3 އަހަރު ވެގެންދިޔައީ ހެޔޮވެރިކަމެއްގެ ގޮތުގައިކަމަށް މޯލްޑިވްސް ޓްރޭޑް ޔޫނިއަންގެ ނާއިބު ރައީސް ސަައުދުﷲ އަހުމަދު ވިދާޅުވެއްޖެއެވެ. ސައުދު މިހެން ވިދާޅުވީ ރައީސް ޞާލިޙްގެ ސަރުކާރަށް މިއަދު 3 އަހަރުވުމާއި ގުޅިގެން އެކަމުގެ މުނާޞަބުގައި ކުރެއްވި ޓްރީޓެއްގައެވެ.
ސަޢުދު ވިދާޅުވީ، ރައިސް ޞާލީހްގެ 3 އަހަރަކީ ހެޔޮ ވެރިކަމުގެ 3 އަހަރު ފާއިތުވީއިރު، ވައްކަމާއި ކޮރަޕްޝަން މަދުކުރެވި، ދަތި އުނދަގޫ 2 އަހަގައިވެސް ރައްޔިތުންނަށް ނިކަމެތިކަމެއް އަޔަދެއްވާފައިނުވާކަމަށެވެ. އަދި އަސާސީ ޚިދުމަތްތައް ބާރަށް ގެންދެވިކަމަށާއި، އިޤްތިޞާދީ ހަރުދަނާ ފިޔަވަޅު ތަންފީޒް ކުރެއްވިކަމަށްވެސް ސަޢުދު ވިދާޅުވިއެވެ.
ސައުދު ވަނީ ރައީސް ޞާލިޙްގެ ވެރިކަމުގެ 3 އަހަރަކީ އަދުލް އިންސާފް ޤާއިމްކުރެވިގެން ދިޔަ 3 އަހަރުކަންވެސް ފާހަގަކުރައްވާފައެވެ.
Raees @ibusolih 3aharu Vegen dhiyaee heyo verikamakah.vahkamaai corruption madhu kurevi ,dhathi udhagoo 2aharugaves rahyithunah nikamethi kameh aya nudhee ,asaasee hidhumah baarah kuriyah gendhevunu.Iguthisaadhee harudhanaa fiyvalhu thanfeez ve.adhulu insaafu Qaaim vegen dhiya.
— Saudulla Ahmed (@saudullaahmed1) November 17, 2021
ރައީސުލްޖުމްހޫރިއްޔާ އިބްރާހިމް މުޙައްމަދު ޞާލިޙް ވެރިކަމާ ޙަވާލުވެވަޑައިގަތީ 2018 ވަނަ އަހަރުގެ ނޮވެމްބަރު މަހުގެ 17 ވަނަ ދުވަހުގައެވެ. ވޭތުވެދިޔަ ތިން އަހަރު ސަރުކާރުންވަނީ ރައްޔިތުންނަށް ބޭނުންވާ އެކި މަޝްރޫޢުތައް ރާއްޖޭގެ އެކި ކަންކޮޅުތަކުގައި ހިންގަވާފައެވެ. އަދި ކުރިއަށް އޮތް އަހަރަށްވެސް އެތައް މަޝްރޫޢެއް ބަޖެޓްކޮށް ރައްޔިތުންނަށް ކުރިމަތިވެފައިވާ ދަތިތައް ޙައްލުކުރުމަށް އަންނަނީ މަސައްކަތްކުރަމުންނެވެ.
މުޅި ދުނިޔެއަށް ކުރިމަތިވި ކޯވިޑް ބަލިމަޑުކަމުގެ ދަނޑިވަޅުގައިވެސް ޤައުމުގެ އިޤްތިޞާދު އެންމެ ކުރިއެރި އެއްޤައުމަކީ ރާއްޖެކަމަށް އިޤްތިޞާދި ބައެއް ފަރާތްތަކުން ފާހަގަކުރެއެވެ.
